પોતાની પત્ની પસંદ ન આવતા બનેવીએ સાળી સાથે ત્રણ-ત્રણ વાર માણ્યું શરીરસુખ અને પછી…

આખાં રાજ્યમાં મહિલાઓ પર શારીરિક અને માનસિક ત્રાસની ઘટનાઓ સતત વધતી રહી છે, ત્યારે અમદાવાદના રાણીપમાં આજે સગીરા સાથે દુષ્કર્મનો બનાવ સામે આવ્યો છે. આ બનાવમાં બનેવીએ જ પોતાની પત્ની ન ગમતી હોવાનું કહીને સાળી પર જ દુષ્કર્મ આચર્યું હતું.

બનેવીએ પોતાની હવસનો શિકાર બનાવવા માટે લગ્નની લાલચ આપીને ઘરમાંથી ભગાડી જઈને તેની પર દુષ્કર્મ આચર્યું હતું. આ ઘટનામાં રાણીપ પોલીસે ગુનો નોંધીને આગળની કાર્યવાહી હાથ ધરી છે. રાણીપ પોલીસે સગીરાએ પોતાના બનેવીની સામે ફરિયાદની નોંધણી કરાવી છે.

આ ઘટનામાં મળતી જાણકારી મુજબ, અમદાવાદના રાણીપમાં રહેતી માત્ર 17 વર્ષીય સગીરા અભ્યાસ કરે છે. તેની મોટી બહેન પણ એક કોલેજમાં અભ્યાસ કરે છે. તેની સગાઇ સામાજીક રીતરિવાજ અનુસાર બહુચરાજી પાસેના ગામમાં એક વ્યક્તિની સાથે કરવામાં આવી હતી. સગીરાના બનેવી કલોલમાં કોલેજમાં અભ્યાસ કરતા હોવાથી તેઓને ખાવા-પીવાની અગવડ પડતી હોવાથી છેલ્લા લગભગ 7 મહિનાથી તેમના ઘરે જ રહેવા માટે આવ્યા હતા.

અંદાજે 5 મહિના પહેલા સગીરાના બનેવીએ એક દિવસ બપોરના સમયે સગીરાને જણાવતાં કહ્યું કે “તે મને બહુ ગમે છે, મારે તારી બહેનની સાથે લગ્ન કરવા નથી”. આ વાતચીત પછી બંને વચ્ચે પ્રેમ સંબંધ બંધાયો હતો. ત્યારબાદ સગીરાએ જ બનેવીને જણાવતાં કહ્યું હતું કે, તે જ ઘરમાં તેની બહેનની સાથે નહીં પરંતુ મારી સાથે લગ્ન કરવાની વાત કરે. પણ બનેવીના મનમાં કંઈક અલગ જ ચાલતું હતું. તેમણે જણાવતાં કહ્યું હતું કે, હાલમાં કોઈને કંઈ કહેવું નથી અને ભાગીને લગ્ન પણ કરી લેશે.