મોદીએ આપ્યો નવો વિચાર, રોજ ભારતીય ભાષાનો એક નવો શબ્દ શીખો. સાથે કહ્યું: રોજ એક નવો શબ્દ ટ્વીટ કરીશ….

વડા પ્રધાન નરેન્દ્ર મોદીના સારા કાર્યોની પ્રશંસા કર્યા પછી કોંગ્રેસના નેતા અને સંસદસભ્ય શશી થરૂરે ફરીથી મોદીની પ્રશંસા કરી હતી. આ વખતે થરૂરે વડા પ્રધાનના ભારતીય ભાષાઓમાં એક શબ્દ શીખવા માટેના સૂચનની પ્રશંસા કરતા કહ્યું કે,તેઓ તેમના ભાષાકીય પડકાર સ્વીકારી લેશે અને દરરોજ અંગ્રેજી, હિન્દી અને મલયાલમમાં એક શબ્દ ટ્વીટ કરશે.પ્રથમ ટવીટમાં થરૂરે કહ્યું – ‘વડા પ્રધાન નરેન્દ્ર મોદીએ આજે ​​પોતાના ભાષણમાં માતૃભાષા સિવાયની કોઈ ભાષાના શબ્દો શીખવાનું સૂચન કર્યું. હું હિન્દીના વર્ચસ્વથી દૂર રહેલા આ નિર્ણયનું સ્વાગત કરું છું અને ભાષાના આ પડકાર ને આગળ વધારીશ.

#LanguageChallenge

loyalty (English)

വിശ്വസ്തത (vishwastata, Malayalam)

निष्ठा (nishtha, Hindi)

— Shashi Tharoor (@ShashiTharoor) August 31, 2019

મલયાલમ મનોરમા ન્યુઝ કોર્નકલેવ-2019 નું ઉદ્ઘાટન કરતાં વડા પ્રધાન નરેન્દ્ર મોદીએ કહ્યું હતું કે, ‘મીડિયા જે સહેલી શરૂઆત કરી શકે છે તે છે દેશભરમાં બોલાતી 10 થી 12 ભાષાઓમાં કોઈ શબ્દ પ્રકાશિત કરવો. આ કરીને વ્યક્તિ એક વર્ષમાં વિવિધ ભાષાઓના 300 નવા શબ્દો શીખી શકે છે.જ્યારે કોઈ વ્યક્તિ બીજી ભાષા શીખશે, ત્યારે તે ભાષાઓની સમાનતાઓ વિશે શીખી જશે. આ આધારે, અમે ભારતીય સંસ્કૃતિની એકરૂપતાની યોગ્ય રીતે પ્રશંસા કરીશું. આ એવા લોકોના નવા જૂથો બનાવી શકે છે જે વિવિધ ભાષાઓ શીખવા માટે તૈયાર હોય છે.’