November 25, 2024
Mohammad Siraj took 4 wickets in one over: એશિયા કપ 2023ની ફાઈનલ મેચ રવિવારે (17 સપ્ટેમ્બર) ભારતીય ટીમ અને શ્રીલંકા વચ્ચે રમાઈ હતી. આ મેચમાં શ્રીલંકન ટીમના કેપ્ટન દાસુન શનાકાએ ટોસ જીતીને પ્રથમ બેટિંગ કરવાનો નિર્ણય લીધો હતો જે થોડા જ સમયમાં ખોટો સાબિત થયો હતો.(Mohammad Siraj took 4 wickets in one over) ભારતીય ફાસ્ટ બોલર મોહમ્મદ સિરાજની સામે શ્રીલંકાની ટીમ પત્તાના પોટલાની જેમ તૂટી જતી જોવા મળી હતી.
વાસ્તવમાં, પથુમ નિસાંકા અને કુસલ પરેરાએ શ્રીલંકન ટીમ માટે ઓપનિંગમાં કમાન સંભાળી હતી. જ્યારે પ્રથમ ઓવર ફાસ્ટ બોલર જસપ્રિત બુમરાહે નાખી હતી. બુમરાહે પહેલી જ ઓવરના ત્રીજા બોલ પર કુસલ પરેરાને પોતાનો શિકાર બનાવ્યો હતો.
આ પછી શ્રીલંકાએ ફરીથી નિયંત્રણ મેળવવાનો પ્રયાસ કર્યો અને 3 ઓવરમાં 1 વિકેટે 8 રન બનાવ્યા. પરંતુ અહીંથી આગલી એટલે કે ઈનિંગની ચોથી ઓવર લઈને આવેલા સિરાજે આખી વાત બદલી નાખી. તેણે આ ઓવરના 6 બોલમાં 4 રન આપીને 4 મોટી વિકેટ લીધી અને શ્રીલંકાની અડધી ટીમને ખતમ કરી દીધી.
Trending News
W . W W 4 W! 🥵
Is there any stopping @mdsirajofficial?! 🤯The #TeamIndia bowlers are breathing 🔥
4️⃣ wickets in the over! A comeback on the cards for #SriLanka?Tune-in to #AsiaCupOnStar, LIVE NOW on Star Sports Network#INDvSL #Cricket pic.twitter.com/Lr7jWYzUnR
— Star Sports (@StarSportsIndia) September 17, 2023
ઈનિંગની ચોથી ઓવરમાં સિરાજે આ રીતે લીધી વિકેટ…
સિરાજે પથુમ નિસાંકાને પહેલા બોલ પર જાડેજાના હાથે કેચ આઉટ કરાવ્યો હતો.
સિરાજના બીજા બોલ પર સાદિરા સમરવિક્રમા કોઈ રન બનાવી શક્યો ન હતો.
સિરાજે ત્રીજા બોલ પર સાદિરાને એલબીડબ્લ્યૂ આઉટ કર્યો હતો. સાદિરા ખાતું ખોલાવી શકી ન હતી.
બીજા ચોથા બોલ પર સિરાજે ચરિથ અસલંકાને ઈશાન કિશનના હાથે કેચ આઉટ કરાવ્યો.
ધનંજય ડી સિલ્વાએ પાંચમા બોલ પર ચોગ્ગો ફટકારીને આત્મવિશ્વાસ વધારવાનો પ્રયાસ કર્યો હતો.
પરંતુ ઓવરના છેલ્લા બોલ પર સિરાજ પણ ડી સિલ્વાને કેએલ રાહુલના હાથે કેચ આઉટ કરાવ્યો હતો.
સિરાજે વનડેમાં 50 વિકેટ પૂરી કરી…
આ પછી મોહમ્મદ સિરાજે ઇનિંગની છઠ્ઠી ઓવર નાખી. આ ઓવરમાં તેણે એક મોટી વિકેટ પણ લીધી હતી. સિરાજે શ્રીલંકાના કેપ્ટન દાસુન સનાકાને ક્લીન બોલ્ડ કર્યો હતો. આ તોફાની બોલિંગના કારણે સિરાજે આ મેચમાં પોતાની ODIમાં 50 વિકેટ પૂરી કરી લીધી છે. સિરાજ વનડેમાં 50 વિકેટ લેનારો વિશ્વનો બીજો બોલર બની ગયો છે. તેણે સૌથી ઝડપી 1002 બોલમાં આ સિદ્ધિ મેળવી હતી. આ રેકોર્ડની વાત કરીએ તો શ્રીલંકાના અજંતા મેન્ડિસ ટોપ પર છે. પોતાની ODI કારકિર્દીમાં તેણે પ્રથમ 50 વિકેટ 847 બોલમાં લીધી છે.
આવું કરનાર ભારતનો પ્રથમ બોલર બન્યો સિરાજ
સિરાજ આંતરરાષ્ટ્રીય ક્રિકેટમાં એક ઓવરમાં ચાર વિકેટ લેનારો પ્રથમ ભારતીય બોલર બની ગયો છે. આ ઉપરાંત ફાસ્ટ બોલર સિરાજ આંતરરાષ્ટ્રીય ક્રિકેટમાં સૌથી ઝડપી પાંચ વિકેટ લેનારો ભારતીય બોલર બની ગયો છે. સિરાજે માત્ર 16 બોલમાં પોતાની પાંચ વિકેટ પૂરી કરી હતી. સિરાજે દાસુન શનાકાને પોતાનો પાંચમો શિકાર બનાવ્યો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube