આંખમાં મરચું નાખીને લુંટારાઓ 7.84 લાખ રૂપિયા ભરેલો થેલો લઈને ફરાર- જાણો કયાની છે ઘટના

હાલમાં મોરબીમાં ચકચારી લૂંટની ઘટના બની હોવાનું સામે આવ્યું છે. મોરબી તાલુકાના પીપળી રોડ ઉપર 4 વાગ્યાની આસપાસ રૂપિયા ભરેલા થેલાની લૂંટ કરી લૂંટારુઓ ભાગી ગયાનો બનાવ સામે આવ્યો છે. આ અંગે જાણ થતાં પોલીસ દ્વારા તાત્કાલિક નાકાબંધી કરીને લૂંટારુંઓને પકડવાની તજવીજ હાથ ધરવામાં આવી હતી.

ઘટનાના કલાકોમાં પોલીસની ટીમ દ્વારા લૂંટારુઓને કચ્છ જિલ્લામાંથી ઝડપી પડવામાં આવ્યા હતા. આગળની કાયદેસરની કાર્યવાહીની તજવીજ હાથ ધરવામાં આવી છે. મળતી માહિતી મુજબ મોરબીના પીપળી રોડ ઉપરથી પસાર થતા આશીષસિંહ વાઘેલા નામના વ્યક્તિએ મોરબી પોલીસને જાણ કરી લૂંટ થઈ હોવાનું જાણવા મળ્યું હતું. જેમાં યુવાનના જણાવ્યા મુજબ લૂંટારુઓ કાળા કાચવાળી સફેદ સ્વીફ્ટ કારમાં આવ્યા હતા હતા.

ભોગબનનારને આંતરીને અચાનક જ આંખમાં મરચું છાટી તેની પાસે 7,84,500 જેટલા રૂપિયા ભરેલો થયેલો લૂંટી ભાગી ગયા હતા. યુવક મની ટ્રાન્સફરનું કામ કરતો હોવાથી તેની પાસે રૂપિયા હોવાની માહિતી અજાણ્યા ઈસમો પાસેથી જાણવા મળી હતી. જેથી આમાં કોઈ અજાણ્યો વ્યક્તિ હોવાની પ્રબળ આશંકા સેવાઇ રહી છે.

જોકે, આ ઘટના હાઈ વે પર બની હોવાથી આજુબાજુ કોઈ સીસીટીવી ન હતા. જેથી પોલીસ દ્વારા હાલ મોરબી શહેરના આઉટ અને ઇન ગેટના સીસીટીવીના આધારે તપાસ હાથ ધરવામાં આવી છે. આ દરમિયાન ભોગબનનાર યુવકનું પણ નિવેદન લઈ આગળની તપાસ મોરબી પોલીસ દ્વારા હાથ ધરવામાં આવી છે.