November 18, 2024
Nagaland Shocking Incident: નાગાલેન્ડમાં મંગળવારે સાંજે એક સનસનાટીભરી ઘટના પ્રકાશમાં આવી છે. ચુમુકેડિમા જિલ્લામાં મંગળવારે સાંજે ભૂસ્ખલનને કારણે એક ભયાનક દુર્ઘટના સર્જાઈ હતી. આમાં બે લોકોના મોત થયા છે જ્યારે ત્રણ અન્ય ઘાયલ(Nagaland Shocking Incident) થયા છે. આ ઘટનાનો વીડિયો સોશિયલ મીડિયા પર ખુબ વાયરલ થઈ રહ્યો છે. પોલીસે જણાવ્યું છે કે, ભારે વરસાદ દરમિયાન જૂના ચુમુકેડિમા પોલીસ ચેકપોસ્ટ પાસે નેશનલ હાઈવે 29 પર સાંજે 5 વાગ્યાની આસપાસ આ ઘટના બની હતી.
પોલીસે જણાવ્યું છે કે, અકસ્માતમાં એક વ્યક્તિનું ઘટનાસ્થળે જ મોત થયું હતું જ્યારે અન્ય વ્યક્તિનું રેફરલ હોસ્પિટલમાં સારવાર દરમિયાન તેનું મોત થયું હતું. અધિકારીઓએ જણાવ્યું છે કે ત્રણ ઘાયલોની હાલ હોસ્પિટલમાં સારવાર ચાલી રહી છે.
અકસ્માત કેવી રીતે થયો
વાયરલ વીડિયોમાં તમે જોઈ શકાય છે કે ભારે વરસાદ પડી રહ્યો છે. આ દરમિયાન કારમાં સવાર એક વ્યક્તિ સામે પાર્ક કરેલી કારનો વીડિયો બનાવી રહ્યો છે. આ દરમિયાન સામેની કાર પાસે પહાડ પરથી એક મોટો પથ્થર પડ્યો હતો. પડ્યા પછી, સેકન્ડોમાં, આ પથ્થર આગળની કારને કચડી નાખતો નીચે ગયો. આ અકસ્માત એટલો જબરદસ્ત હતો કે ખડકની લપેટમાં આવી ગયેલી ત્રણ કાર કાટમાળમાં ફેરવાઈ ગઈ હતી.
Trending News
નાગાલેન્ડના મુખ્યમંત્રી નેફિયુ રિયોએ શોક વ્યક્ત કર્યો
આ ભયાનક ઘટના રોડ પર પાછળ ઉભેલા અન્ય વાહનના ડેશબોર્ડ કેમેરામાં કેદ થઈ ગઈ હતી. નાગાલેન્ડના મુખ્યમંત્રી નેફિયુ રિયોએ આ દુર્ઘટના પર શોક વ્યક્ત કર્યો છે. એક ટ્વિટમાં તેમણે કહ્યું કે, “આજે સાંજે લગભગ 5 વાગ્યે દીમાપુર અને કોહિમા વચ્ચે નેશનલ હાઈવે પર ખડકો પડતાં ગંભીર નુકસાન થયું હતું, જેમાં 2 લોકોના મોત થયા હતા અને 3 લોકો ગંભીર રીતે ઘાયલ થયા હતા.” આ સ્થળ હંમેશા ‘પાકાલા પહાર’ તરીકે ઓળખાય છે જે ભૂસ્ખલન અને ખડકોના પડવા માટે જાણીતું છે.
નાગરિકોની સલામતી સુનિશ્ચિત કરવામાં કોઈ બાંધછોડ કરવામાં આવશે નહીં – CM રિયો
મુખ્ય પ્રધાન રિયોએ કહ્યું કે તે રાજ્યના નાગરિકોના જીવન અને સલામતી સાથે સંબંધિત છે, તેથી સંબંધિત એજન્સીએ જરૂરી સુરક્ષા માળખાકીય સુવિધાઓ ઊભી કરવી પડશે. તેમણે કહ્યું કે દેશમાં ટેકનોલોજીની પ્રગતિ અને ભારત સરકાર પાસે ઉપલબ્ધ સંસાધનો સાથે નાગરિકોની સુરક્ષા સુનિશ્ચિત કરવામાં કોઈ બાંધછોડ કરવામાં આવશે નહીં.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube