November 02, 2024
Pradeep Sarkar Passed Away: બોલિવૂડ(Bollywood)ના જાણીતા ફિલ્મમેકર પ્રદીપ સરકારનું નિધન થયું છે. જણાવવામાં આવી રહ્યું છે કે 68 વર્ષની વયે પ્રદીપ સરકારનું આજે એટલે કે 24 માર્ચે સવારે 3.30 વાગ્યે નિધન થયું છે. લોકપ્રિય ફિલ્મ નિર્માતા પ્રદીપ સરકારે પરિણીતા, લગા ચુનરી મેં દાગ, મર્દાની અને હેલિકોપ્ટર ઈલા જેવી હિટ ફિલ્મો આપી છે. મીડિયા રિપોર્ટ્સ અનુસાર, પ્રદીપ સરકાર ડાયાલિસિસ પર હતા અને તેમનું પોટેશિયમ લેવલ નોંધપાત્ર રીતે ઘટી ગયું હતું. આવી સ્થિતિમાં હોસ્પિટલમાં સારવાર દરમિયાન તેનું મોત નીપજ્યું હતું.
Filmmaker Pradeep Sarkar, known for making films like Parineeta, Helicopter Eela and Mardaani, passes away. His funeral will be today at 4 pm in Santacruz.
(Pic source: His Instagram handle) pic.twitter.com/Gz9THr3n9k
— ANI (@ANI) March 24, 2023
પ્રદીપ સરકાર અને તેમની બહેન માધુરીની ખૂબ જ નજીક રહેલી અભિનેત્રી નીતુ ચંદ્રાએ ટ્વિટર પર તેમના મૃત્યુની પુષ્ટિ કરી છે. નીતુ ચંદ્રાએ ટ્વીટ કરીને લખ્યું છે – અમારા સૌથી પ્રિય નિર્દેશક પ્રદીપ સરકાર દાદા વિશે જાણીને ખૂબ જ દુઃખ થયું. મેં મારી કારકિર્દી તેની સાથે શરૂ કરી. તેમની ફિલ્મોને લાર્જર ધેન લાઈફ બતાવવા માટે તેમની પાસે સૌંદર્યલક્ષી પ્રતિભા હતી.
Trending News
દેવગને પણ ટ્વિટર પર તેમના નિધન પર શોક વ્યક્ત કર્યો અને લખ્યું – પ્રદીપ સરકાર, ‘દાદાના નિધનના સમાચાર હજુ પણ આપણામાંથી કેટલાક માટે પચાવવા મુશ્કેલ છે. મારી ઊંડી સંવેદના. મારી પ્રાર્થના તેના પરિવાર સાથે છે. RIP દાદા. બોલિવૂડ અભિનેતા મનોજ બાજપેયી અને હંસલ મહેતાએ પણ દિવંગત ફિલ્મ નિર્માતા પ્રદીપ સરકારને સોશિયલ મીડિયા પર શ્રદ્ધાંજલિ આપી છે.
પ્રદીપ સરકારે દિગ્દર્શક અને નિર્માતા વિધુ વિનોદ ચોપરાની પ્રોડક્શન કંપની વિનોદ ચોપરા પ્રોડક્શનથી પોતાની કારકિર્દીની શરૂઆત કરી હતી. ક્રિએટિવ ડિરેક્ટર-આર્ટ તરીકે એડ એજન્સીમાં 17 વર્ષ સુધી કામ કર્યા પછી, તેમણે એડ-ફિલ્મ નિર્માતા તરીકે તેમની દિગ્દર્શન યાત્રા શરૂ કરી. કમર્શિયલ ઉપરાંત પ્રદીપ સરકારે વધુમાં વધુ મ્યુઝિક વિડિયોઝનું નિર્દેશન પણ કર્યું છે. તેમની ફિલ્મ ‘પરિણીતા’ને નેશનલ ફિલ્મ એવોર્ડ મળ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.