May 18, 2024
અલ્હાબાદ હાઈકોર્ટે(Allahabad High Court) સોશિયલ મીડિયા(Social media)માં ભગવાન રામ અને શ્રી કૃષ્ણ વિશે અશ્લીલ ટિપ્પણી કરનારા આકાશ જાટવ ઉર્ફે સૂર્ય પ્રકાશને શરતી જામીન આપ્યા છે, તેને ફરીથી આવા ગુના ન કરવા ચેતવણી આપી છે. કોર્ટે કહ્યું કે, અભિવ્યક્તિની સ્વતંત્રતા અમર્યાદિત નથી. તેમાં કેટલાક નિયંત્રણો પણ છે. અભિવ્યક્તિની સ્વતંત્રતાના નામે અન્યની ધાર્મિક લાગણીઓને ઠેસ પહોંચાડવાનો કોઈને અધિકાર નથી.
જસ્ટિસ શેખર કુમાર યાદવે હાથરસના આકાશ જાટવની અરજી પર આ આદેશ આપ્યો છે. ભગવાન રામ અને કૃષ્ણ વિરુદ્ધ સોશિયલ મીડિયામાં અશ્લીલ ટિપ્પણીના કેસમાં કોર્ટે કહ્યું કે રામ વગર ભારત અધૂરું છે. રામ અને કૃષ્ણનું અપમાન કરવું સમગ્ર દેશનું અપમાન છે. આપણે જે દેશમાં રહીએ છીએ તે દેશના મહાપુરુષો અને સંસ્કૃતિનું સન્માન કરવું જરૂરી છે. કોઈ ઈશ્વરમાં માને કે ન માને, તેને કોઈની શ્રદ્ધાને ઠેસ પહોંચાડવાનો કોઈ અધિકાર નથી. કોર્ટે કહ્યું કે આપણી સંસ્કૃતિ વસુધૈવ કુટુમ્બકમની રહી છે. सर्वे भवन्तु सुखिनः,सर्वे सन्तु निरामयाः। सर्वे भद्राणि पश्यंतु, मां कश्चित दुःख भाग भवेत।
કોર્ટે કહ્યું કે અરજદાર છેલ્લા 10 મહિનાથી જેલમાં છે. આ કેસની સુનાવણી જલ્દી પૂરી થાય તેવી શક્યતા નથી. સુપ્રીમ કોર્ટે દાતારામ કેસમાં એમ પણ કહ્યું છે કે, જામીન એક અધિકાર છે અને જેલ એક અપવાદ છે, તેથી તેને શરતી જામીન પર છોડવો જોઈએ. અરજદારે કહ્યું કે 28 નવેમ્બર, 2019 ના રોજ કોઈએ તેની ફેક આઈડી તૈયાર કરી અને અશ્લીલ પોસ્ટ કરી. તે નિર્દોષ છે અને એવી દલીલ પણ કરી હતી કે બંધારણમાં અભિવ્યક્તિની સ્વતંત્રતાની ખાતરી આપવામાં આવી છે, જેને અપરાધ તરીકે ગણી શકાય નહીં.
સરકારી વકીલે કહ્યું કે અરજદાર અમદાવાદમાં તેના મામાના ઘરે ગયો હતો, જ્યાં તેણે કાકાના પુત્રના મોબાઇલમાં પોતાનું સિમકાર્ડ મુકી અશ્લીલ પોસ્ટ કરી હતી અને એફઆઇઆર નોંધાયાની સાથે જ તેણે મોબાઇલ ફોન તોડી નાખ્યો હતો અને સિમ કાર્ડ અને ફેંકી દીધું. કોર્ટે કહ્યું કે, બંધારણમાં મૂળભૂત અધિકારો આપવામાં આવ્યા છે. તેમાંથી અભિવ્યક્તિની સ્વતંત્રતાનો અધિકાર પણ છે. બંધારણ ઘણું ઉદાર છે. અવિશ્વાસીઓ નાસ્તિક બની શકે છે, પરંતુ તે અન્યની શ્રદ્ધાને ઠેસ પહોંચાડવાનો અધિકાર આપતો નથી.
Trending News
કોર્ટે સુપ્રીમ કોર્ટને ટાંકીને કહ્યું હતું કે હાથમાં માનવ ખોપરી સાથે નૃત્ય કરવાની મંજૂરી આપી શકાય નહીં. આ ગુનો છે. ઈદ પર ગૌહત્યા પર પ્રતિબંધ છે. હત્યા એ ગુનો છે. લાગણીઓને ઠેસ પહોંચાડવાનું કૃત્ય માહિતી ટેકનોલોજી અધિનિયમ હેઠળ બિનજામીનપાત્ર ગુનો છે. અભિવ્યક્તિની સ્વતંત્રતા અમર્યાદિત નથી. રાજ્યની સુરક્ષા, અફવા ફેલાવનાર, અશ્લીલતા અભિવ્યક્તિની સ્વતંત્રતા નથી પણ ગુનો છે.
ભગવાન કૃષ્ણએ કહ્યું, કર્મ પર ધ્યાન આપો, ફળ મારા પર છોડી દો. વસુધૈવ કુટુમ્બકમ ની ભાવના બીજા કોઈ દેશમાં નથી. ભગવાન ધર્મની રક્ષા કરવા આવે છે. ધર્મને નુકસાન થાય ત્યારે ભગવાન અવતાર લે છે. ભારતીય બંધારણમાં ભગવાન રામ સીતાનું ચિત્ર પણ અંકિત છે. આવી સ્થિતિમાં, રામ અને કૃષ્ણ વિરુદ્ધ અશ્લીલ ટિપ્પણીઓ માફીપાત્ર નથી. કોર્ટે કહ્યું કે માત્ર હિન્દુઓમાં જ નહીં, પણ મુસ્લિમોમાં પણ શ્રી કૃષ્ણના ભક્તો રહ્યા છે. રસખાન, અમીર ખુસરો, આલમ શેખ, વાજિદ અલી શાહ, નઝીર અકબરાબાદી વગેરે રામ અને કૃષ્ણના ભક્ત રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
