સુરતમાં મોપેડ પર જતા નવદંપતીને ટ્રકચાલકે અડફેટે લેતાં પતિની નજર સામે પત્નીનું નીપજ્યું મોત- ઓમ શાંતિ

Surat Accident: કાળ કેટલો નિર્દયી હોય છે તેનો પુરાવો આપતી ઘટના સુરત શહેરના(Surat Accident) ઉધના દરવાજા વિસ્તારમાં બની છે. બે મહિના પહેલાં લવમેરેજ કરનાર દંપતિની ખુશી કાળને પસંદ નહીં હોય તે હંમેશ માટે વિખુટું પાડી દીધું છે. આ દંપતી લગ્ન બાદનો પહેલો વેલેન્ટાઈન ડે પણ સેલિબ્રેટ કરી શક્યા નથી. આજે સવારે ટ્રકનું ટાયર માથા પરથી ફરી વળતા પતિની નજર સામે પત્નીનું રસ્તા પર જ કમકમાટીભર્યું મોત નિપજ્યું હતું.

દુપટ્ટો ટ્રકના ટાયરમાં ફસાયા જતા રસ્તા પર પટકાઈ
આજે સવારે સુરતમાં વિચિત્ર અકસ્માત સર્જાયો હતો. સવારે નવદંપતી મોપેડ પર નોકરી પર જઈ રહ્યું હતું. દરમિયાન રિંગ રોડ પર એક આઇસર ટ્રકના ચાલકે અડફેટે લીધા હતા. ટક્કર બાદ પત્નીનો દુપટ્ટો ટ્રકના ટાયરમાં ફસાયા જતા તે રસ્તા પર પટકાઈ હતી અને તેના પરથી ટ્રકનું ટાયર ફરી વળ્યું હતું. આ ગમખ્વાર અકસ્માતમાં પત્નીનું મોત નિપજ્યું હતું.

બે મહિના અગાઉ થયા હતા લગ્ન
વધુમાં મળતી માહિતી પ્રમાણે મૂળ નાગપુરના વતની અને સુરતના ડીંડોલી વિસ્તારમાં આવેલી બીલિયા નગર સોસાયટીમાં રહેતા શુભમ પરાતે બે મહિના દિવ્યા નામની યુવતી સાથે પ્રેમલગ્ન કર્યા હતા. શુભમ અને દિવ્યા બંને વરાછાની મીત જેમ્સમાં રત્નકલાકાર તરીકે નોકરી કરતા હતા. રોજની જેમ બંને આજે સવારે 07:20 વાગ્યા આસપાસ ઘરેથી મોપેડ લઈને નોકરીએ જવા માટે નીકળ્યા હતા. તેઓ ઉધના દરવાજા બ્રિજ પાસેથી રીંગ રોડ તરફ જતા હતા ત્યારે એક આઇસર ટ્રકના ચાલકે દંપતીના મોપેડને ટક્કર મારી હતી.

મૃતકનો પતિ શુભમ પરાતે