હવે ભાજપના નેતાઓ પણ આમ આદમી પાર્ટીના નેતાઓની જેમ પહેરશે ટોપી- આ ટોપીની ખાસીયત આવી સામે

ગુજરાત(gujarat): 4 રાજ્યોમાં જંગી જીત બાદ હવે તમામની નજર ગુજરાત પર છે. વર્ષના અંતમાં ગુજરાત રાજ્યમાં વિધાનસભાની ચૂંટણી(Assembly elections) યોજાવાની છે. આથી કાર્યકરોને પ્રોત્સાહિત કરવા વડાપ્રધાન(PM) નરેન્દ્ર મોદી(Narendra Modi) આજે બે દિવસની ગુજરાત મુલાકાતે આવી ગયા છે. PM મોદીએ આજે અમદાવાદ(Ahmedabad)માં ભવ્ય રોડ શો કર્યો છે. આ સાથે રાજ સંસ્થાઓના એક લાખથી વધુ ચૂંટાયેલા પ્રતિનિધિઓની રેલીને પણ સંબોધિત કરી છે. ખુલ્લી જીપમાં સવાર થઈને પીએમ મોદી ગુજરાતની જનતા વચ્ચે નીકળી પડ્યા છે. ત્યારે લાખોની જનમેદની અમદાવાદના રસ્તા પર જોવા મળી રહી છે.

અમદાવાદના રસ્તાઓ કેસરિયો રંગધારી ભાજપમય બન્યા છે. રસ્તામાં ભાજપનો ધ્વજ લહેરાઈ રહ્યો છે, તો હવામાં કેસરી કલરના ફુગ્ગા ઉડાવવામાં આવી રહ્યાં છે. ગુજરાતમાં કમળ ખીલ્યુ હોય તેવુ લાગી રહ્યુ છે. દરેક સ્થળે પીએમ મોદીનુ પુષ્પવર્ષાથી સ્વાગત કરવામાં આવી રહ્યું છે.

આજે સવારે અમદાવાદ(Ahmedabad)માં ભવ્ય રોડ શો દરમ્યાન સૌથી આકર્ષણની કેન્દ્ર ભાજપની કેસરી કલરની ટોપી બની હતી. અત્યાર સુધી તમામ કાર્યકર્તાઓ ખેસ પહેરતા જોવા મળતા હતા. આ વખતે પહેલી વખત મોદી સહિત અન્ય નેતાઓ કેસરી ટોપીમાં જોવા મળ્યા હતા. પીએમ મોદીના રોડ શોમાં તેમણે પહેરેલી ટોપી સૌથી વધુ ચર્ચાઈ રહી છે. આ કેસરી કલરની ટોપીમાં ભાજપ લખેલું છે.