November 24, 2024
ભારતમાં સંભવતઃ કોરોનાની ત્રીજી લહેર(The third wave of the corona) શરૂ થઈ ગઈ છે. દેશના અલગ-અલગ રાજ્યોમાં શાળાઓ ખુલ્યા બાદ બાળકોમાં કોરોના વાયરસ(Corona virus)નો ચેપ ઝડપથી વધી રહ્યો છે. મહત્વનું છે કે, શાળા-કોલેજ અને મેડિકલ સંસ્થાઓમાં અભ્યાસ કરતા વિદ્યાર્થીઓમાં કોરોના પોઝિટિવ જોવા મળી રહ્યો છે. ઓડિશા(Odisha)માંથી શાળાના બાળકોના કોરોના પોઝિટિવ હોવાનો તાજેતરનો કેસ સામે આવ્યો છે. ઓડીશાના મયુરભંજ(Mayurbhanj) જિલ્લાના ચમકપુરની સરકારી ગર્લ્સ હાઈસ્કૂલ (SSD)ની 25 વિદ્યાર્થીનીઓ કોરોના પોઝિટિવ હોવાનું જાણવા મળ્યું છે.
उड़ीसा: मयूरभंज ज़िले में एक स्कूल की 25 छात्रा कोविड पॉजिटिव पाई गई।
मुख्य ज़िला चिकित्सा अधिकारी मयूरभंज ने बताया, “ठाकुरमुंडा ब्लॉक के अंतर्गत चमकपुर में एक आदिवासी आवासीय स्कूल में 213 छात्राओं और 17 स्टाफ सदस्यों का कोविड टेस्ट कराया गया था। 25 छात्रा कोविड पॉजिटिव पाई गई।” pic.twitter.com/lBPNtJ5AWQ
— ANI_HindiNews (@AHindinews) November 27, 2021
ન્યૂઝ એજન્સી ANI દ્વારા કરવામાં આવેલા ટ્વિટ અનુસાર, ઓડિશાના મયુરભંજ જિલ્લાના ચમકપુર સ્થિત સરકારી ગર્લ્સ હાઈસ્કૂલ (SSD)ની 25 વિદ્યાર્થીનીઓ કોરોના પોઝિટિવ હોવાનું જાણવા મળ્યું છે. મયુરભંજના મુખ્ય જિલ્લા મેડિકલ ઓફિસર ડૉ. રૂપવનુ મિશ્રાએ કહ્યું કે સ્થિતિ નિયંત્રણમાં છે અને અમારી મેડિકલ ટીમ દ્વારા દેખરેખ રાખવામાં આવી રહી છે. વિદ્યાર્થીઓની તબિયત સ્થિર છે.
Trending News
મીડિયા રિપોર્ટ્સ અનુસાર, ઓડિશાના મયુરભંજ જિલ્લાના ચમકાપુરની ગવર્મેન્ટ ગર્લ્સ હાઈસ્કૂલ (SSD)ની તમામ 25 વિદ્યાર્થિનીઓનું કોન્ટેક્ટ ટ્રેસિંગ કરવામાં આવી રહ્યું છે. શાળાની 259 વિદ્યાર્થીનીઓનો કોરોના ટેસ્ટ કરવામાં આવશે, જેથી કોરોનાની ગંભીરતાને ટાળી શકાય. કરંજિયા સબ-કલેક્ટર ઠાકુરમુંડા, બીડીઓ તહસીલદાર અને ડોકટરોની ટીમ પરિસ્થિતિનો તાગ મેળવવા શાળાએ પહોંચી હતી. કોવિડ-19 અંગે શાળાની વિદ્યાર્થીનીઓને વિશેષ માર્ગદર્શિકા જારી કરવામાં આવી છે.
જણાવી દઈએ કે, લગભગ એક અઠવાડિયા પહેલા સુંદરગઢ જિલ્લાની એક હાઈસ્કૂલના 53 વિદ્યાર્થીઓ અને સંબલપુર જિલ્લાના બુરલામાં મેડિકલ કોલેજના 31 MBBS વિદ્યાર્થીઓ કોરોના પોઝિટિવ હોવાનું જાણવા મળ્યું હતું. હાલમાં દેશમાં રસીકરણ અભિયાન તેજ ગતિએ ચાલી રહ્યું છે. દુનિયામાં નવા વેરિઅન્ટના આગમન સાથે લોકોની ચિંતામાં વધુ વધારો થયો છે. નવેમ્બર દરમિયાન શાળાના બાળકોમાં જોવા મળતા કોરોના સંક્રમણને કારણે દેશના લોકોમાં કોરોનાના ત્રીજી લહેરનો ભય વધવા લાગ્યો છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.