January 31, 2025
Ujjain Buddheshwara Mahadev: ઉજ્જૈન જિલ્લાથી લગભગ 52 કિલોમીટર દૂર બડનગર વિસ્તારમાં આવેલું શ્રી બુધેશ્વર મહાદેવ મંદિર(Ujjain Buddheshwara Mahadev) સતત ચર્ચામાં રહે છે. જ્યાં મહાશિવરાત્રીના મેળા દરમિયાન ભગવાન શ્રી બુધેશ્વર મહાદેવના મંદિરને રૂ.51 લાખથી શણગારવામાં આવ્યું છે. જો કે મંદિરમાં દર્શન દિવસ દરમિયાન શરૂ થતા નથી,પરંતુ મંદિરમાં સાંજે 5થી 11 વાગ્યા સુધી ભગવાનના દર્શન ચાલુ રહે છે.
23મી માર્ચના રોજ મેળાના સમાપન સુધી આ ઐતિહાસિક અને નવીન શણગારના દર્શનનો ભક્તો લાભ લઈ શકશે.અહીં બુધેશ્વર મહાદેવને 20, 50, 100, 200, 500 રૂપિયાની નોટો અને સિક્કાઓથી સુંદર રીતે શણગારવામાં આવ્યા હતા. જણાવી દઈએ કે ગત વર્ષે પણ બાબાને 21 લાખ રૂપિયાની નોટોથી આકર્ષક રીતે શણગારવામાં આવ્યા હતા.
મંદિરના પૂજારીએ શણગાર વિષે માહિતી આપી
શ્રી બુધેશ્વર મહાદેવ મંદિરના પૂજારીએ જણાવ્યું કે દર વર્ષે મહાશિવરાત્રિ પર બાબા શ્રી બુધેશ્વરને નોટોથી શણગારવામાં આવે છે. છેલ્લા 3 વર્ષથી મંદિરને 7 લાખ, 11 લાખ, 21 લાખના ખર્ચે શણગારવામાં આવે છે. જે બાદ આ વર્ષે મંદિરને 1 રૂપિયાથી 500 રૂપિયાની લગભગ 51 લાખ નોટોથી સજાવવામાં આવ્યું છે. પૂજારી શર્માએ જણાવ્યું કે આ શણગાર 23 માર્ચ સુધી રહેશે. આ પછી ભક્તો દ્વારા આપવામાં આવેલી રકમ પરત કરવામાં આવશે. તેમણે જણાવ્યું કે મંદિરમાં સાંજે 5 વાગ્યાથી રાત્રે 11 વાગ્યા સુધી દર્શન થાય છે.આ મંદિર સવારે 10 થી સાંજના 5 વાગ્યા સુધી બંધ રહે છે.
Trending News
21 વર્ષથી મેળાનું આયોજન કરવામાં આવે છે
શ્રી બુધેશ્વર મહાદેવ મિત્ર મંડળીના કપિલ માલી અને રવિ ગેહલોતે જણાવ્યું કે બડનગરમાં લગભગ 21 વર્ષથી આ મેળાનું આયોજન કરવામાં આવે છે. અગાઉ મંદિરને ફૂલોથી શણગારવામાં આવતું હતું, પરંતુ છેલ્લા ત્રણ વર્ષથી મિત્ર મંડળીના સભ્યો દ્વારા લાખો રૂપિયા એકત્ર કરીને શ્રી બુધેશ્વર મહાદેવના આ દરબારને શણગારવામાં આવે છે.
उज्जैन से 50 किलोमीटर दूर बड़नगर तहसील में बुद्धेश्वरधाम मंदिर में इस बार 51 लाख रुपए के नोटों से आकर्षक श्रृंगार किया गया है। वही मंदिर में नोट में 500 रुपए तक के नोट है। वही 51 लाख रूपए से बाबा बुद्धेश्वरधाम मंदिर का श्रंगार किया गया है। pic.twitter.com/K01r2AUG3O
— Ajay Patwa (@ajayp9303035359) March 18, 2024
અહીં કોઈ વ્યાપક સુરક્ષા વ્યવસ્થા નથી
મંદિરની સુરક્ષાની વાત કરીએ તો મંદિરને 51 લાખ રૂપિયાની નોટોથી શણગારવામાં આવ્યું છે, પરંતુ અહીં કોઈ વ્યાપક સુરક્ષા વ્યવસ્થા નથી. જ્યારે આ મુદ્દે એસપીએ કહ્યું કે મંદિરમાં અસુરક્ષા સંબંધિત કંઈ નથી. દરરોજ પોલીસ સ્ટેશનના ચારથી પાંચ જવાનો અહીં ફરજ બજાવવા માટે આવે છે, પરંતુ તેમ છતાં શ્રી બુધેશ્વર મહાદેવ મિત્ર મંડળી દ્વારા સુરક્ષા અંગે કોઈ અરજી આપવામાં આવે તો મંદિરની સુરક્ષા વધારવામાં આવશે.
અત્યારે મંદિરની વ્યવસ્થા આ પ્રમાણે છે
કહેવાય છે કે 51 લાખ રૂપિયાથી શણગારેલા શ્રી બુધેશ્વર મહાદેવ મંદિરને જોવા માટે જ્યારે ભક્તો મંદિરમાં પ્રવેશ કરે છે, ત્યારે બહાર ઉભેલા ચારથી પાંચ પોલીસકર્મીઓ તેમના પર નજર રાખે છે. આ પછી મંદિરમાં લાગેલા સીસીટીવી કેમેરા શ્રી બુધેશ્વર મહાદેવ મિત્ર મંડળીના સભ્યો અને મંદિરમાં આવતા દરેક ભક્તો પર નજર રાખે છે. મંદિરમાં બનાવેલા દોરડાના વર્તુળ દ્વારા જ ભક્તોને દર્શન આપવામાં આવે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App