મોટાભાઈની સગાઈનાં દિવસે જ નાનાભાઈએ ગળેફાંસો ખાઈને ટુંકાવ્યું જીવન- જાણો ક્યાંની છે આ કરુણ ઘટના

હાલમાં મોટાભાગનાં લોકો જિંદગીથી અથવા તો સમસ્યાથી કંટાળીને આપઘાતનું પગલું ભરી રહ્યાં છે. આપઘાતની આવી જ અન્ય એક ઘટના રાજ્યના નડિયાદ જીલ્લામાંથી સામે આવી છે. શહેરના રિટાયર્ડ SRP જવાનના દીકરાએ ગળાફાંસો ખાઇને જીવનનો અંત આણ્યો છે. કોઈ અગમ્ય કારણોસર આપઘાત કરી લેતાં પરિવારજનો પર જાણે આભ તૂટી પડ્યું છે. આની વિશે નડિયાદ ગ્રામ્ય પોલીસ દ્વારા ફરિયાદ નોંધીને આગળની કાર્યવાહી હાથ ધરવામાં આવી છે.

અમદાવાદમાં નર્સિંગનો અભ્યાસ કરતો હતો :
શહેરના કપડવંજ રોડ પર આવેલ SRP કેમ્પની સામે જીવનદીપ સોસાયટીના મકાન નં. ઈ/7માં રહેતાં મહેન્દ્રભાઇ મકવાણા નિવૃત્ત SRP જવાન છે. તેમના 3 દીકરા, જેનાં પૈકી વચેટ 26 વર્ષીય દીકરો પ્રતીક ગત મધરાત્રે પોતાના ઘરે ગળાફાંસો ખાઇને જીવન ટૂંકાવી લીધું છે.

પ્રતીક અપરિણીત હતો તેમજ તે અમદાવાદમાં નર્સિંગનો અભ્યાસ કરી રહ્યો હતો. આની સાથે જ ગત રોજ રાત્રે તે ઘરમાં એકલો હોવાથી આ દરમિયાન કોઈ કારણોસર ઘરના હૂકની સાથે કાપડ બાંધીને તેણે ગળાફાંસો ખાઇને આપઘાત કરી લીધો છે.

આ ઘટનાની જાણ મહેન્દ્રભાઈ તેમજ સંબંધિઓને થતાંની સાથે જ તેઓ ઘરે આવી જોતાં તેમના પગ તળેથી જમીન સરકી ગઈ હતી. વચેટ દીકરાના આ પગલાને લીધે તેના 2 ભાઈઓ અને પિતાને ખુબ આઘાત લાગ્યો છે. આ વિશેની જાણ નડિયાદ ગ્રામ્ય પોલીસને કરતાં આકસ્મિક મોતનો ગુનો નોંધીને આગળની તપાસ હાથ ધરવામાં આવી છે.