November 29, 2024
માર્ગ અકસ્માતની ઘટનામાં સતત વધારો થઈ રહ્યો છે ત્યારે હાલમાં પણ આવી જ એક માર્ગ અકસ્માતની ઘટના સામે આવી રહી છે. રાજ્યનાં વ્યારા જીલ્લાના ઘાટા ગામની સીમમાં શાળાએથી પરત ફરી રહેલ વિદ્યાર્થીઓની બાઇકને અકસ્માત નડતા વિદ્યાર્થીનું મોત થયું હતું.
આની સાથે જ અન્ય એક વિદ્યાર્થીને ગંભીર ઈજા પહોંચતા એને સારવાર અર્થે સુરતની હોસ્પિટલમાં લઈ જવામાં આવ્યો હતો. વ્યારા સિંગી ફળિયામાં રહેતા રૂષભ ચૌધરી તથા બેડકુવા પાસેના ભુરીવેલ ફળિયામાં રહેતા હિરેનભાઈ ચૌધરી પરિવારની સાથે રહે છે તથા વ્યારાના ઘાટા ગામમાં હાઈસ્કૂલમાં ધોરણ 12 સાયન્સમાં અભ્યાસ કરે છે.
શાળાઓની શરૂઆત થતાં જ બન્ને યુવાનો બાઇક લઈને શાળાએ ગયા હતા, જ્યાંથી શાળાથી પાછાં આવી રહ્યા હતા. આ દરમિયાન હિરેન ચૌધરી બાઇક ચલાવી રહ્યો હતો. બંને વ્યારા-ઘાટા રોડ પર કટાસવાણ ગામની સિમમાં પસાર થઇ રહ્યા હતા. આ દરમિયાન સામેથી કારચાલકે સ્ટેરીંગ પરનો કાબૂ ગુમાવતા વિદ્યાર્થીઓની બાઈક સાથે અથડાતાં અકસ્માત સર્જાયો હતો.
Trending News
અકસ્માતમાં 18 વર્ષીય મોટરસાયકલ ચાલક હિરેન ચૌધરીને માથા અને શરીર ગંભીર ઈજા પહોંચતા ઘટનાસ્થળ પર જ મોત થયું હતું. જ્યારે પાછળ બેઠેલા વૃષભ ચૌધરી માર્ગ પર પટકતા માથા અને શરીરના ભાગે ગંભીર ઇજા પહોંચતા જનરલ હોસ્પિટલ વ્યારામાં સારવાર માટે લઈ જવામાં આવ્યા હતા. આ અંગેની વૃષભ ચૌધરી ફરિયાદને આધારે અજાણ્યા કાર ચાલકની વિરુદ્ધ ફરિયાદ નોંધાવવામાં આવી હતી.
આશાસ્પદ વિદ્યાર્થી ઉપર ગાડી ફરી ગઈ :
વ્યારા ઘાટા રોડ પર પુરપાટ ઝડપે આવી રહેલ કારચાલકે મોટરસાઈકલને અડફેટે લેતા મોટરસાયકલ ચાલક વિદ્યાર્થી હિરેન ચૌધરીને ઉપરથી ફોરવીલ ગાડી પસાર થઈ જતા તેનું ઘટનાસ્થળ પર જ કરુણ મોત થયું હતું.
મિત્રને મૂકવા માટે વ્યારા આવી રહ્યો હતો :
ધો. 12 સાયન્સમાં અભ્યાસ કરી રહેલ વિદ્યાર્થીઓ શાળાનો અભ્યાસ પૂર્ણ કરીને હિરેન ચૌધરી તેમજ તેના મિત્ર વૃષભ ચૌધરીને વ્યારા સીગી ફળિયામાં મુકવા માટે આવી રહ્યા હતા. આ સમય દરમિયાન હિરેનનું અકસ્માતમાં મોત થયું હતુ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle