પરેશ ધાનાણી: અમરેલી સાથે દુઃખના સમયમાં અડીખમ ઉભા રહેલ લોકનેતાને ક્યારેય ગુજરાત નહી ભૂલે

સમગ્ર વિશ્વ સહીત કોરોનાના કપરા કાળમાં ગુજરાતીઓ ત્રસ્ત છે. ગુજરાતમાં કપરા સમયે અનેક સેવાભાવી સંસ્થાઓ અને સરકાર રાહત કામ કરી રહી છે પણ અમુક એવા પણ નેતાઓ છે જેણે ખરા અર્થમાં નેતા બનવાનો ધર્મ નિભાવ્યો છે. આ નેતાઓની કસોટી કપરા કાળમાં જ થતી હોય છે. અમરેલીના ધારાસભ્ય એન ગુજરાત વિપક્ષના નેતા પરેશ ધાનાણીએ આ કસોટીમાં ખરા ઉતર્યા છે.

અમરેલીના ધારાસભ્ય પરેશ ધાનાણી દ્વારા ગરીબો માટે તેમજ જે લોકો ને પેટનો ખાડો પુરવા માટે પણ ઘરે ઘરે ભટકવું પડે છે. તેવા લોકો માટે સતત વિના મૂલ્યે રાહત રસોડું ચાલુ કરાયું છે. આ સમગ્ર રાહત રસોડા માં પરેશ ધાનાણીની સાથે તેમના સાથી ધારાસભ્યો પણ જોડાયા હતા. સમગ્ર યુવા ટીમ દ્વારા ખભે ખભે મિલાવી જહેમત ઉઠાવી હતી.

અમરેલી જિલ્લામાં પોતાના મતવિસ્તારમાં ધારાસભ્ય પરેશ ધાનાણી દ્વારા દરરોજ એક સમયનું રસોડું શરૂ કરવામાં આવ્યું , જેમાં રોજ 3 ટન ખીચડી 2 ટન શાક સાથે ભોજનની વ્યવસ્થા કરવામાં આવી હતી. દરરોજ ટેમ્પા દ્વારા જિલ્લાના કુંકાવાવ,વડીયા અને અમરેલી સહિતના વિસ્તારમાં આ રસોડા દ્વારા જરૂરિયાતમંદોને ભર પેટ ભોજન કરાવવામાં આવી રહ્યું હતું. યુવાનોની ટિમ દ્વારા જરૂરિયાતમંદ લોકોને મદદરૂપ બની હતી