June 26, 2024
આજકાલ પોલીસ દ્વારા સતત બુટલેગરો પર નજર રાખીને દારૂની હેરાફેરી થતી ઝડપી પાડવામાં આવે છે. આ દરમિયાન ફરીવાર પાટણ જીલ્લાના રાધનપુર પોલીસ દ્વારા રાજસ્થાનથી કાઠીયાવાડ લઇ જવાતો દારૂ ઝડપી પાડવામાં આવ્યો છે. જાણવા મળ્યું છે કે, પોલીસ દ્વારા મહિન્દ્રા પીકઅપ ડાલામાંથી 5 લાખ રૂપિયાના મુદ્દામાલ સાથે દારૂનો જથ્થો ઝડપી અને ચાર શખ્સો વિરુદ્ધ કાયદેસરની કાર્યાવહી કરવામાં આવી છે. બૂટલેગરોએ પોલીસથી બચવા દારૂની હેરફેરનો નવો કીમિયો અપનાવ્યો હતો. જોકે, પોલીસે આ કીમિયો પણ નિષ્ફળ બનાવી દીધો છે.
સમગ્ર ગુજરાતમાં દારૂ પર પ્રતિબંધ છે તેમ છતાં બુટલેગરો અવનવા કિમીયા અપનાવી પોલીસને ચકમો આપીને અન્ય રાજ્યમાંથી ગુજરાતમાં દારૂની હેરાફેરી કરી રહ્યા છે. કયારેક બુટલેગરો હેરાફેરીમાં સફળ થતા હોય છે, તો પોલીસ પણ ચાંપતી વોચ રાખીને દારૂની હેરાફેરી કરતા દારૂ ભરેલ વાહનો પકડી બુટલેગરને જેલ ભેગા કરતી હોય છે.
આ દરમિયાન પાટણ જિલ્લાની રાધનપુર પોલીસ દ્વારા પિકઅપ ડાલામાં તરબૂચની આડમાં લઇ જવાતો ભારતીય બનાવટના દારૂ સાથે ચાર ઇશમોને ઝડપી પાડવામાં આવ્યા છે. દારૂની હેરાફેરી કરવા માટે બુટલેગરો અવનવી ટ્રિક અપનાવી રહ્યા છે.
આ દરમિયાન રાધનપુર પોલીસની હદમાં થરા હાઇવે પરથી પિકઅપ ડાલામાં તરબૂચની આડમાં રાજસ્થાનથી કાઠિયાવાડ ભારતીય બનાવટનો દારૂ લઈ જવામાં આવી રહ્યો હતો. બૂટલેગરોએ પિકઅપ ડાલામાં તરબૂચની આડમાં દારૂનો જથ્થો છુપાવ્યો હતો અને આ જથ્થો રાજસ્થાનથી કાઠિયાવાડ લઈ જવામાં આવતો હોવાનું સામે આવ્યું હતું.
Trending News
રાધનપુર પોલીસ દ્વારા બાતમીને આધારે આ ડાલાને ઝડપી લેવામાં આવ્યું છે. રાધનપુર પોલીસ દ્વારા દારૂનો જથ્થો તેમજ પિકઅપ ડાલા સાથે કુલ 5 લાખ 25 હજારના મુદ્દા માલ સાથે ચાર આરોપીને ઝડપી પાડવામાં આવ્યા છે. અને દારૂની હેરફેરની નવી ટેકનિકનો પર્દાફાશ કરવામાં આવ્યો છે. જોકે, આ શખ્સો અગાઉ પણ આ પ્રકારે હેરફેરમાં શામેલ હતા કે કેમ અને તેઓ કોની પાસેથી આ દારૂ મેળવી અને કોને આપવાના હતા વગેરે જેવી માહિતીઓ પોલીસ દ્વારા તપાસ કાર્ય બાદ સામે આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.