દિવસેને દિવસે ઘટી રહ્યા છે પેટ્રોલ-ડીઝલના ભાવ, સતત પાંચમાં દિવસે થયો ઘટાડો- જાણો તમારે ત્યાં કેટલા છે ભાવ?

હાલમાં મોંઘવારીમાં સતત વધારો થઈ રહ્યો છે. આની સાથે-સાથે જ પેટ્રોલ-ડીઝલના ભાવમાં પણ સતત વધારો થઈ રહ્યો હોવાથી વાહનચાલકો ખુબ પરેશાન થઈ ગયાં છે. આવા સમયમાં રાહતના સમાચાર સામે આવ્યા છે. આંતરરાષ્ટ્રીય સ્તર પર ક્રૂડ ઓઈલના ભાવમાં નરમાઈને કારણે સમગ્ર દેશમાં ફક્ર 7 દિવસમાં ત્રીજી વાર પેટ્રોલ-ડીઝલના ભાવમાં ઘટાડો નોંધાયો છે.

સરકારી ઓઈલ કંપનીઓ દ્વારા મંગળવારનાં રોજ પેટ્રોલમાં 22 પૈસા તેમજ ડીઝલમાં 23 પૈસાનો ઘટાડો કરવામાં આવ્યો છે. આ ઘટાડાની સાથે દિલ્હીમાં પેટ્રોલનો ભાવ પ્રતિ લીટર 90.56 રૂપિયા જયારે ડીઝલનો ભાવ પ્રતિ લીટર 80.87 રૂપિયા થયો છે.

આ જ રીતે અમદાવાદમાં પેટ્રોલનો ભાવ પ્રતિ લીટર 87.68 તેમજ ડીઝલનો ભાવ પ્રતિ લીટર 87.08 રૂપિયા નોંધાયો હતો. સમગ્ર દેશમાં પેટ્રોલ-ડીઝલના ભાવમાં ઘટાડો નોંધાયો છે. જો કે, રાજ્યોમાં વેટના દર અલગ અલગ હોવાને લીધે તમામ રાજ્યમાં ઈંધણના ભાવ અલગ-અલગ રહેલાં છે.

5 દિવસ બાદ ફરી પેટ્રોલ-ડીઝલના ભાવમાં થયો ઘટાડો:
મુંબઈમાં પેટ્રોલનો ભાવ97.19થી ઘટીને પ્રતિ લીટર 96.98 થયો છે જ્યારે ડીઝલનો ભાવ પ્રતિ લીટર 88.20થી ઘટીને 87.96 થયો છે. છેલ્લા 6 માસમાં 24 માર્ચે પહેલીવાર તેમજ 25 માર્ચે બીજીવાર ભાવ ઘટાડો કરવામાં આવ્યો હતો. આંતરરાષ્ટ્રીય સ્તરે ક્રૂડ ઓઈલના ભાવમાં ઘટાડો થતાં પેટ્રોલ-ડીઝલમાં ઘટાડો કરવામાં આવ્યો હતો.