PM મોદી ગુજરાત પ્રવાસે, સુરતના આ વિસ્તારમાં ગજવશે સભા- ગોઠવી દેવાયો લોખંડી બંદોબસ્ત

ગુજરાત(Gujarat): રાજ્યની વિધાનસભાની ચૂંટણી(Gujarat Election 2022)ના પ્રથમ તબક્કાના મતદાનને આડે હવે ગણતરીના થોડા દિવસો જ બાકી રહ્યાં છે. હાલ રાજ્યમાં બરાબરનો ચૂંટણીનો માહોલ જામી ગયો છે અને તમામ રાજકીય પક્ષો મતદારોને આકર્ષવા માટે તડામાડ  તૈયારીઓ કરી રહ્યા છે. કેન્દ્રીય નેતાઓ ઉપરા ઉપરી ગુજરાતમાં આવીને રોડ શો અને સભાઓ ગજવી રહ્યા છે. ત્યારે આજે ફરી એક વખત વડાપ્રધાન નરેન્દ્ર મોદી(Narendra Modi) ફરી પ્રચાર માટે ગુજરાત આવી રહ્યા છે.

PM મોદી સુરતની મુલાકાતે:
મહત્વનું છે કે, આજે PM મોદી સુરતની મુલાકાતે આવી રહ્યાં છે. PM એરપોર્ટ ખાતે ઉતર્યા પછી મોટા વરાછાના ગોપીન ફાર્મ સુધી 32 કિલોમીટર બાયરોડ જશે. જ્યાં ગોપીન ફાર્મ ખાતે જંગી જનસભાને સંબોધશે. બીજી બાજુ PM મોદીના આગમનને લઇને સભા અને રૂટ પર અડચણ ન થાય તે માટે તમામ પ્રકારની વ્યવસ્થા ગોઠવી દેવામાં આવી છે. ઉલ્લેખનીય છે કે, વાહનોની અવર જવર અને પાર્કિંગ પર પ્રતિબંધ લગાવી દેવામાં આવ્યો છે.

સુરક્ષાને ધ્યાને લઇને ગોઠવાયો લોખંડી બંદોબસ્ત:
જો વાત કરવામાં આવે તો વડાપ્રધાનની મુલાકાતને પગલે વાહનચાલકોને અન્ય રૂટ પર ડાયવર્ઝન આપવામાં આવ્યું છે. બીજી તરફ PM મોદીની સુરક્ષાને ધ્યાને લઇને લોખંડી બંદોબસ્ત ગોઠવી દેવામાં આવ્યો છે, જેમાં DCP-14, ACP-22 PI-70, PSI-130 સહીત 1500 પોલીસકર્મી બંદોબસ્તમાં રહેશે અને આ સાથે હોમગાર્ડ-1000, TRB-500 અને SRPની 4 કંપનીઓના જવાનો પણ સૂરક્ષામાં ખડેપગે તૈનાત રહેશે.

PM મોદી આજે ફરી 2 દિવસના ગુજરાતના પ્રવાસે આવી રહ્યા છે. 2 દિવસમાં PM મોદી 7 જેટલી સભાને સંબોધન કરશે. તેઓ ખેડા, નેત્રંગ અને સુરતમાં જનસભાને સંબોધન કરશે. જ્યારે PM મોદીની 28 નવેમ્બરે અંજાર, જામનગર, પાલીતાણા અને રાજકોટમાં જનસભાનું આયોજન કરવામાં આવ્યું છે.