મંચ પર PM મોદીને પગે લાગવા માટે આવ્યો કાર્યકર્તા, જાહેરમાં જ પ્રધાનમંત્રીએ કર્યું એવું કે, ધડાધડ વાયરલ થયો વિડીયો

થોડા દિવસ બાદ પશ્ચિમ બંગાળમાં ચૂંટણીનું આયોજન થવાં જઈ રહ્યું છે. આવા સમયમાં બંને પક્ષ દ્વારા પ્રચારની શરૂઆત કરી દેવામાં આવી છે ત્યારે હાલમાં એક સમાચાર સામે આવ્યા છે. બંગાળમાં રેલી વખતે અદ્ભૂત નજારો જોવા મળ્યો હતો. જ્યારે મંચ પર હાજર ભાજપા કાર્યકર્તા PM મોદીને પગે લાગવા માટે ગયો હતો.

જો કે, વડાપ્રધાન નરેન્દ્ર મોદી કાર્યકર્તાને પગે લાગ્યા હતા. ભાજપા દ્વારા પોતાના ટ્વિટર એકાઉન્ટ પર આ વીડિયો શેર કરવામાં આવ્યો છે તેમજ તેને સંસ્કારનો ભાવ દર્શાવવામાં આવ્યો છે. નરેન્દ્ર મોદી બુધવારનાં રોજ બંગાળમાં આવેલ કાંથીમાં એક ચૂંટણી સભાને સંબોધિત કરવા માટે ગયાં હતા.

તમામ સ્થાનિક નેતાઓની સાથે મંચ પર પહોંચીને વડાપ્રધાન નરેન્દ્ર મોદી બેઠા હતા. આ સમયે ત્યાં હાજર એક કાર્યકર્તા તેમને પગે લાગવા માટે આગળ આવ્યો હતો. આ દરમિયાન PM મોદી પણ કાર્યકર્તાને પગે લાગ્યા હતા. ભાજપા દ્વારા આ વીડિયોને પોતાના ટ્વિટર એકાઉન્ટ પર શેર કરતા કહ્યું હતું કે, ભાજપા એક એવું સુસંસ્કૃત સંગઠન છે કે, જ્યાં કાર્યકર્તાઓમાં એકબીજા પ્રત્યે સમાન સંસ્કારનો ભાવ રહે છે.

પૂર્વ મેદિનીપુર જિલ્લામાં આવેલ કાંથીની રેલીને સંબોધિત કરતા PM નરેન્દ્ર મોદીએ જણાવ્યું હતું કે, પશ્ચિમ બંગાળના CM મમતા બેનરજી ખોટા આક્ષેપ લગાવીને નંદીગ્રામના લોકોનું અપમાન કર્યું હોવાથી લોકો તેમને જવાબ આપશે. તેમણે 10 માર્ચની ઘટનાનો ઉલ્લેખ કરતા જણાવ્યું હતું કે, તમે સમગ્ર દેશની સામે નંદીગ્રામ તથા તેના લોકોને બદનામ કરી રહ્યા છો. આ એ જ નંદીગ્રામ છે કે, જેમણે તમને આટલું બધું આપ્યું છે. નંદીગ્રામના લોકો તમને માફ કરશે નહીં.