રાજ્યના 44 લાખ લોકોને મોટો ધક્કો: એવી વસ્તુનો ભાવ વધ્યો કે ગુજરાતીઓ થશે તોબા તોબા

ગુજરાતમાં આજે સીએનજીના કિલોદીઠ ભાવમાં 68 પૈસાનો વધારો કરવામાં આવ્યો છે. આ સાથે જ સીએનજીનો નવો ભાવ કિલોદીઠ રૂપિયા. 55.30 થઈ ગયો છે. આજ સુધી તેનો ભાવ રૂા. 54.62નો હતો. તેની સીધી અસર સીએનજીનો ઇંધણ તરીકે રિક્ષા ચલાવનારાઓ પર પડશે.

ગુજરાતના ઘરે ઘરે વપરાતા પાઈપ નેચરલ ગેસના ભાવમાં અને તેના સ્લેબમાં પણ ફેરફાર પરિણામે અમદાવાદમાં દોડતી 2.20 લાખ રિક્ષાઓનો ઇંધણ ખર્ચ વધશે. તદુપરાંત ખાનગી વાહનો પણ મોટી સંખ્યામાં સીએનજીનો ઉપયોગ કરતાં થયા છે. બીજી તરફ ઘરઘરમાં વપરાતા પાઈપ નેચરલ ગેસના ભાવમાં અને તેના સ્લેબમાં પણ ફેરફાર કરવામાં આવ્યો છે. પાઈપ્ડ નેચરલ ગેસ-પીએનજીના સ્ટાન્ડર્ડ ક્યુબિક મીટરદીઠ ભાવ રૂા. 29.06નો ભાવ હતો તે વધારીને રૂા. 29.50 કરી દેવામાં આવ્યો છે.

આ વધારાને પરિણામે સ્ટાન્ડર્ડ ક્યુબિક મીટરદીઠ ગેસના ભાવમાં 44 પૈસાનો વધારો થયો છે. અમદાવાદ વિસ્તારમાં પીએનજીના અંદાજે 4 લાખ કન્ઝ્યુમર્સ છે. રસોડામાં ગેસનો ઉપયોગ કરનારાઓએ પીએનજીના ભાવ વધારાનો બોજ વેંઢારવો પડશે પેટ્રોલ અને ડીઝલના ભાવ વધારા પછી હવે સીએનજીના ભાવ વધારાનો માર લોકોને ખમવાનો આવ્યો છે. રસોડામાં ગેસનો ઉપયોગ કરનારાઓએ પીએનજીના ભાવ વધારાનો બોજ વેંઢારવો પડશે.

અમદાવાદમાં પેટ્રોલના ભાવ રૂા. 97થી વધારે અને ડીઝલના ભાવ રૂા. 96થી વધારે છે. ગુજરાતના અન્ય વિસ્તારોમાં સક્રિય કંપનીઓએ હજી સુધી ભાવમાં વધારાની જાહેરાત કરી નથી.