November 18, 2024
હાલમાં તમિલનાડુમાં કોરોના દવાના નામે ઝેરની ગોળી આપવાનો મામલો સામે આવ્યો છે. જેમાં ત્રણ લોકોનાં મોત નીપજ્યાં છે, જ્યારે એકની હાલત ગંભીર છે. આ બાબતો ઉધાર પૈસાથી સંબંધિત છે. જે કુટુંબને ઝેર આપવામાં આવ્યું તેને કોઈએ ઉધાર આપ્યું હતું. જ્યારે આ લોકો પૈસાની માંગણી કરવા માંડ્યા ત્યારે તેણે આવું કર્યું હતું. પ્રાપ્ત માહિતી અનુસાર, આ ઘટના તમિલનાડુના ઇરોડમાં બની છે.
ઇરોડમાં, કરૂપ્પનકાઉન્ડર નામના વ્યક્તિએ થોડા મહિના પહેલા આર કલ્યાણસુંદરમ નામના વ્યક્તિને 15 લાખ રૂપિયા આપ્યા હતા. જ્યારે જરૂર પડે ત્યારે કલ્યાણસુન્દરમ પાસે પૈસાની માંગ કરવામાં આવતી. પૈસા ચૂકવવા અસમર્થ, કલ્યાણસુન્દારામે કરૂપ્પનકાઉન્ડર અને તેના પરિવારને મારી નાખવાનું ષડયંત્ર રચ્યું.
કલ્યાણસુન્દારામે સબરી નામની વ્યક્તિ સાથે એક યોજના બનાવી. આમાં સબરીને આરોગ્ય વિભાગનો કર્મચારી બનાવી કરૂપ્પનકાઉન્ડરના ઘરે મોકલવામાં આવ્યો હતો. 26મી જૂને ત્યાં જઇને સાબરીએ કરૂપ્પનકાઉન્ડરને પૂછ્યું કે, શું પરિવારમાં કોઈને પણ શરદી વગેરે છે?
Trending News
ત્યારબાદ, સબરીએ કરૂપ્પનકાઉન્ડરને કેટલીક ઝેરની ગોળીઓ આપી. અને કહ્યું કે, આ રોગપ્રતિકારક શક્તિને વધારવાની એક દવા છે જે કોરોના સામે રક્ષણ આપે છે. સબરીના ગયા પછી કરૂપ્પનકાઉન્ડર, તેની પત્ની, પુત્રી અને મકાનમાં કામ કરતી દાસીએ દવા ખાઈ લીધી. જે બાદ ચારેય બેહોશ થઈ ગયા હતા.
પડોશીઓ જલ્દીથી તેને હોસ્પિટલ લઈ ગયા. કરૂપ્પનકાઉન્ડરની પત્ની મલ્લિકા, પુત્રી દીપા અને કામવાળી કુપ્પલનું હોસ્પિટલમાં મોત થયું હતું. હાલમાં કરુપ્પાકાઉન્ડરની હાલત પણ ગંભીર છે. આરોપી કલ્યાણસુંદરમ અને સબરીની રવિવારે રાત્રે ધરપકડ કરવામાં આવી હતી. બંનેને હવે 15 દિવસની ન્યાયિક કસ્ટડીમાં મોકલવામાં આવ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.