પોલીસે ફિલ્મી ઢબે જીપનો પીછો કરતા એવી જગ્યાએથી દારૂ મળ્યો કે પોલીસ પણ વિચારતી થઈ ગઈ

હાલોલ-વડોદરા રોડ પર પોલીસે ફિલ્મી ઢબે બોલેરો જીપનો પીછો કરી જીપને ઝડપી પાડી લાઇટ અને બોનેટમાં છૂપાવી રાખેલી દારૂની બોટલો  કબજે કરી હતી જ્યારે ચાલક ફરાર થઇ ગયો  હતો.આ અંગેની વિગત એવી છે કે હાલોલ-વડોદરા રોડ પર આસોજ ગામની સીમમાં ઝોર્ડ કંપની સામે એલસીબીના માણસો વાહન ચેકિંગ કરતા હતા ત્યારે સફેદ રંગની એક બોલેરો જીપ આવતા તેને ઉભી રાખવાનો ઇશારો કરવા છતાં જીપ ઉભી રાખવાના બદલે ચાલકે જીપ પુરપાટઝડપે દોડાવી હતી.

તસ્વીરો સાંકેતિક છે..

જીપમાં કશુ શંકાસ્પદ લાગતા પોલીસના માણસોએ પણ જીપનો પીછો કર્યો હતો. આશરે છ કિ.મી. સુધી પીછો કર્યા બાદ જરોદ ટાઉનમાં બસ સ્ટેન્ડ પાસે નાળા નજીક જીપ ચાલુ હાલતમાં મૂકી ચાલક ભીડમાં ભાગી ગયો હતો.