જાગૃત નાગરિકના પોલીસની ગાડીઓને PUC અંગેના સવાલ થતા તાત્કાલિક કઢાવવામાં આવ્યું

રાજ્યમાં અવાર-નવાર પોલીસ દ્વારા રસ્તા વચ્ચે લોકોની ગાડી ઉભી રાખવામાં આવે છે અને આવા લોકો પાસેથી પોલીસવાળા ખોટી રીતે રૂપિયા પડાવતા હોય છે. લોકો પાસેથી PUC, વીમો, ગાડીના કાગળ જેવા ઘણા બઘા પુરાવાઓ માંગવામાં આવતા હોય છે. જો પુરાવો આપવામાં આવે તો મસમોટો દંડ પણ ફટકારવામાં આવતો હોય છે.

આજરોજ આવી જ એક ઘટના સામે આવી છે જેમાં સામાન્ય જનતાની ગાડી નહી પરંતુ પોલીસ અધિકારીના સરકારી વાહન માં PUC અને વીમો ન હોવાનું એક જાગ્રત નાગરિક દ્વારા વીડિયો બનાવીને સોશિયલ મીડિયામાં વાયરલ કરવામાં આવ્યો છે.

આ વિડીયો સુરતના કતારગામ વિસ્તારમાં આવેલ સિંગનપુર ચાર રસ્તા પાસે હોવાનું જાણવા મળી રહ્યું છે. જીગ્નેશ મેવશા દ્વારા પોલીસને અનેક સવાલો કરવામાં આવી રહ્યા છે પરંતુ જવાબમાં માત્ર પોલીસ તેમને ખોટી કરી રહ્યા હોવાની વાત જણાવી રહ્યા છે. પોલીસ ધમકી પણ આપતા કહે છે કે, ” તમેહેરાન કરી રહ્યા છો પોલીસ કેસ કરી દઈશ.”