યુવકને પોસ્તોલ સાથેનો ફોટો સોશિયલ મીડિયા પર અપલોડ કરવો પડ્યો ભારે- પોલીસે કરી ધરપકડ

સોશિયલ મીડિયા પર હથિયારો સાથે તેમના ફોટા અને વીડિયો અપલોડ કરનારાઓ સામે કડક કાર્યવાહી કરવાની પોલીસે તૈયારી કરી લીધી છે. છેલ્લા ઘણા દિવસોથી ફરિયાદો આવ્યા બાદ એસપી અભિજીતસિંહની સૂચના હેઠળ જિલ્લા પોલીસની સાયબર સેલ ટીમે ગુનો નોંધીને આવા લોકોની ધરપકડ શરૂ કરી છે.

જાયલ એસ.એચ.ઓ.ખેમારામ બિજારણીયાએમોડી સાંજે પોલીસ સ્ટેશન વિસ્તારના સુવડિયા બાસ ગામે ફેસબુક પર શસ્ત્ર સાથે તેનો ફોટો અપલોડ કરતા યુવક કમલ કિશોર જાજડા પુત્ર શ્રીકિશન નામના યુવકને પકડીને તેના મોબાઇલની તપાસી કરી હતી. જ્યારે તેની ફેસબુક પ્રોફાઇલ પર પિસ્તોલ હાથ પર નિશાન લગાવતો હોય તેવો ફોટો તેને સ્ટેટ્સ પર મુક્યો હતો. કમલ કિશોરે પોતાના સ્ટેટ્સમાં લખ્યું હતું કે, ‘જ્યારે જીગર અને હથિયાર બંને એક સાથે હોય છે, ત્યારે લોકો આપડાથી ડરતા નથી પણ કંપવા લાગે છે’.

જાયલ એસએચઓ ખેમારામ બિજારણીયાએ જણાવ્યું હતું કે, ફેસબુક પર યુવાનોનો વાયરલ ફોટો અને સ્ટેટસ જોયા બાદ સામાન્ય લોકોમાં ભયનું વાતાવરણ સર્જાયું છે. યુવક પોતાને એક ખતરનાક અને પિસ્તોલ ડોન બતાવવાની કોશિશ કરી રહ્યો હતો.

અત્યાર સુધીમાં પોલીસની પૂછપરછમાં કમલ કિશોરે જણાવ્યું હતું કે, તેણે આ ફોટો તેના મિત્ર દિનેશ દુકીયા પુત્ર નરસીરામ નિવાસી જાયલ પાસેથી બનાવટી રમકડાની પિસ્તોલ સાથે લીધો હતો. તેનો મિત્ર હાલમાં જલોરમાં ક્યાંક મજૂર તરીકે નોકરી કરે છે. પોલીસે ગુનો નોંધી કમલ કિશોર નિવાસી સુવડિયા બાસ જાયલની ધરપકડ કરી છે.