કોરોના સામે પ્રધાનમંત્રી મોદીએ શરૂ કરી એક અનોખી પહેલ, જે ઇલાઝ કરી બતાવશે તેને મળશે 1 લાખ રૂપિયા

ચીન સહિત વિશ્વના અનેક દેશોમાં કોરોના વાયરસ હજુ થંભવાનું નામ લેતો નથી. ચીનથી ફેલાયેલા કોરાના વાયરસે હવે ભારતમાં પણ દસ્તક આપી દીધી છે. કોરોનાને કારણે ભારતમાં ત્રીજું મોત થતા ખળભળાટ મચી ગયો છે. દેશમાં આ વાયરસથી ત્રીજુ મૃત્યુ થઈ ચૂક્યું છે. મહારાષ્ટ્રની રાજધાની મુંબઈના કસ્તુરબા હોસ્પિટલમાં મંગળવારે 64 વર્ષના વૃદ્ધનું મૃત્યુ થઈ ચૂક્યું છે. અગાઉ પણ બે લોકોના મૃત્યુ થઈ ચૂક્યા છે.

કોરોના વાયરસ સામે લડવા માટે મોદી સરકાર એક પછી એક મહત્વના પગલા ભરી રહી છે. દેશમાં વિદેશીઓની એન્ટ્રી પર પ્રતિબંધ લગાવ્યા બાદ પાડોશી દેશોની સરહદો સીલ કરી દીધી હતી. તાજા આંકડા પ્રમાણે, દેશમાં અત્યાર સુધી કોવિડ 19નાં 114 કેસ સામે આવ્યાં છે. હવે વડાપ્રધાન નરેન્દ્ર મોદીએ કોરોના વાયરસ સામે લડવા માટે દેશની જનતા પાસેથી સુઝાવ માંગ્યા છે. વડાપ્રધાને કહ્યું છે કે, તમારો આ પ્રયાસ અનેક રીતે મદદ કરી શકે છે.

Harnessing innovation for a healthier planet.

A lot of people have been sharing technology-driven solutions for COVID-19.

I would urge them to share them on @mygovindia. These efforts can help many. #IndiaFightsCorona https://t.co/qw79Kjtkv2

— Narendra Modi (@narendramodi) March 16, 2020

વડાપ્રધાન નરેન્દ્ર મોદીએ ગઈ કાલે સાંજે આ મામલે ટ્વીટ કર્યું હતું. તેમણે કહ્યું હતું કે- તમારો પ્રયાસ અનેક રીતે મદદરૂપ થઈ શકે છે. પ્રધાનમંત્રીએ આગળ #indiaFightscprona ઇન્ડિયા ફાઈટ્સ કોરોના હેશટેગનો ઉપયોગ કર્યો હતો. તેમણે લોકો પાસેથી @mygovindia પર પોતાના સુઝાવ મોકલવાની અપીલ કરી છે. પીએમ મોદીના ટ્વિટમાં સ્વાસ્થ્ય મંત્રાલયની વેબસાઇટનું બેનર છે. જેની પર એક ચેલેન્જ અંગે જાણકારી આપવામાં આવી છે. જેનું નામ COVID-19 Solution Challenge છે. આ ચેલેન્જના વિજેતાને 1 લાખ રૂપિયા આપવાની પણ જાહેરાત કરવામાં આવી છે.