સુરત માં દૂધ ના ભાવ વધવાની શકયતા ,જાણો કારણ ….

સુમુલ ડેરી દ્વારા પશુપાલકોને આપવામાં આવતાં પશુ આહારના દરમાં બોરી દીઠ રૂપિયા 65નો વધારો કરવામાં આવ્યો છે. 65 કિલોની પશુ આહારની બોરી અગાઉ રૂપિયા 1170માં મળતી હતી જે હવે 1235 રૂપિયાના ભાવે આપવામાં આવશે. જેથી પશુ આહાર કિલોદીઠ એક રૂપિયો એટલે કે 65 કિલોની બોરી 65 રૂપિયા મોંઘી બનતા પશુપાલકો માટે ખર્ચનો બોજ વધ્યો છે.

સુમુલ ડેરી દ્વારા પશુ આહારમાં ભાવ વધારો 65નો કરાયો તે અગાઉ ગત ઓગસ્ટ માસમાં પણ રૂપિયા 140નો વધારો કરવામાં આવ્યો હતો. જેથી પશુપાલકોને પશુના દાણમાં દિવસેને દિવસે અસહ્ય વધારો થઈ રહ્યો હોવાનું રાકેશ ભરવાડે જણાવ્યું હતું.

સુમુલ ડેરી દ્વારા બે દિવસ અગાઉ ગાયના દૂધના કિલોફેટ દિઠ ભાવમાં વધારો કરવામાં આવ્યો હતો. આ ભાવ વધારાના બે જ દિવસ પછી પશુદાણના ભાવમાં વધારો થતાં હવે ફરી દૂધના ભાવ વધે તેવી આશંકા વ્યક્ત કરવામાં આવી રહી છે.