સુરતમાં સ્પાની આડમાં ચાલતા દેહવેપારનો પર્દાફાશ, થાઇલેન્ડની મહિલાઓ સહિત 2 આરોપીની ધરપકડ

ગુજરાત રાજ્યમાં અવાર નવાર સ્પાની આડમાં ચાલતા દેહવેપારનો પર્દાફાશ થાય છે. અત્યારે સુરત શહેરમાં ફરી એક દેહવેપારનો પર્દાફાશ થયો છે. સુરતનાં વેસુ વિસ્તારનાં VIP રોડ પર સ્પાની આડમાં ચાલી રહેલો દેહવેપારનો ધંધો ઉમરા પોલીસ દ્વારા પકડી પાડવામાં આવ્યો પાડ્યો હતો. સ્પામાંથી થાઇલેન્ડની 2 યુવતીઓ મળી આવી હતી તેમજ આ બંને યુવતીઓ ગયા ફેબ્રુઆરી મહિનાથી સુરત શહેરમાં જ રહેતી હોવા અંગેનું પોલીસ તપાસમાં જાણવા મળ્યું હતુ.

સુરત શહેરમાં સ્પાની આડમાં ચાલી રહેલા દેહવેપારનો પર્દાફાશ થઇ ગયો છે. પોલીસ દ્વારા દરોડા પાડી એક ગ્રાહક તેમજ મેનેજરને પકડવામાં આવ્યા છે. આ દેહવેપાર વેસુ એમ્બ્રોસિયા બિઝનેસ હબમાં મસાજની આડમાં દેહવ્યાપાર ચાલતો હતો. ક્રાઇમ બ્રાંચની ટીમને જાણકારી મળી હતી કે, વેસુ VIP રોડ પર સર્જન પેલેસ નજીક આવેલા એમ્બ્રોસિયા બિઝનેસ હબમાં આવેલા કિમ્સ સ્પામાં મસાજની આડમાં દેહવેપાર કરાવવામાં આવે છે.

જાણકારીનાં આધારરૂપ પોલીસ દ્વારા ગ્રાહક બનાવીને એક વ્યક્તિને સ્પામાં મોકલવામાં આવ્યો હતો. જ્યાં અગાઉ એની સાથે મસાજની વાત કરીને પછી વિદેશી મહિલા બતાવી શરીર સુખ માટેની પણ ઓફર કરી હતી. આમાં પોલીસે છાપો મારીને મેનેજર દેવેન્દ્ર મુરલીધર દવે તેમજ કર્મચારી કૈલાશ બદ્રી યાદવને પકડી લેવામાં આવ્યા હતા. સ્પામાંથી વિદેશી 2 મહિલા મળતા પોલીસ દ્વારા એની અટકાયત કરવામાં આવી હતી.