November 24, 2024
મહારાષ્ટ્ર(Maharashtra)ના પિંપરી ચિંચવાડ(Pimpri Chinchwad)ના આર્કુડી(Arcudi)માં રવિવારે એક ભયાનક અકસ્માત(Terrible accident)માં બાઇક પર સવાર એક છોકરા અને છોકરીનું મોત થયું હતું. અહીં એક સ્પીડિંગ સ્પોર્ટ્સ બાઇક રસ્તાની વચ્ચે ઉભેલી કાર સાથે અથડાઇ હતી. સોમવારે આ ઘટનાનો ખૂબ જ ભયાનક વીડિયો સામે આવ્યો છે. જેમાં બાઇક પર સવાર છોકરો અને છોકરી કાર સાથે અથડાયા બાદ હવામાં ઉડતા જોવા મળી રહ્યા છે. અકસ્માત બાદ રસ્તા પર પડેલી બાઇકમાં આગ લાગી હતી.
View this post on Instagram
આ દુર્ઘટનામાં 25 વર્ષીય આર્યન પરમાર અને 21 વર્ષીય શ્વેતા અશોક ગજભિયેનું મોત થયું છે. શ્વેતા અને આર્યન બંને KTM સ્પોર્ટ્સ બાઇક પર આકુર્ડી વિસ્તારમાંથી પસાર થઇ રહ્યા હતા ત્યારે અકસ્માત થયો. અકસ્માત સમયે બાઇકની સ્પીડ 120 કિમી પ્રતિ કલાકની હોવાનું કહેવાય છે. મળતી માહિતી મુજબ, રવિવારે બપોરે 3 વાગ્યાની આસપાસ બનેલો આ અકસ્માત હાઇવેની બાજુમાં આવેલી એક દુકાનમાં લગાવેલા સીસીટીવી કેમેરામાં કેદ થયો છે.
Trending News
બાઇક હવામાં ઉછળ્યું અને તેના પર સવાર બંને સવાર ડિવાઇડર સાથે અથડાયા:
આકુર્ડી પોલીસના જણાવ્યા અનુસાર, કારની પાછળના ભાગને ટક્કર માર્યા બાદ બાઇક હવામાં અનેક ફુટ કૂદી ગઇ હતી અને શ્વેતા અને આર્યન ડિવાઇડર સાથે અથડાયા હતા. ટક્કર બાદ બંનેને માથામાં ગંભીર ઈજાઓ પહોંચી હતી અને બંનેનું ઘટનાસ્થળે જ મોત નીપજ્યું હતું. રસ્તા પર લપસતી વખતે તેની બાઇક પણ બાજુથી જતી સ્કૂટી સાથે અથડાઇ હતી અને તેના પર સવાર બે છોકરીઓ પણ થોડે દૂર પડી ગઇ હતી. સ્થાનિક લોકોએ બંને છોકરીઓને નજીકની હોસ્પિટલમાં દાખલ કરવામાં આવી હતી.
ફાયર બ્રિગેડ આવે તે પહેલા આખું બાઇક બળી ગયું હતું:
બાઇક પડતાની સાથે જ તેમાંથી બહાર આવતા પેટ્રોલમાં આગ લાગી અને થોડીક સેકન્ડોમાં આખું બાઇક સળગી ગયું હતું. ફાયર બ્રિગેડ ઘટના સ્થળે પહોંચી ત્યાં સુધીમાં આખું બાઇક બળીને રાખ થઈ ગયું હતું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.