રાહુલ ગાંધીની મુશ્કેલીમાં વધારો… રદ થઇ ગયું સંસદનું સભ્યપદ- ‘મોદી’ ને ચોર કહેવું પડ્યું ભારે? કોમેન્ટ કરો તમારું મંતવ્ય

રાહુલ ગાંધીની સંસદની સદસ્યતા રદ કરવામાં આવી છે. ગઈકાલે જ સુરત કોર્ટે તેને બે વર્ષની કેદની સજા ફટકારી હતી. લોકસભા સચિવાલય દ્વારા આ સંબંધમાં એક નોટિફિકેશન બહાર પાડવામાં આવ્યું છે. તમને જણાવી દઈએ કે, માનહાનિના કેસમાં સુરતની કોર્ટે ગુરુવારે જ રાહુલ ગાંધીને બે વર્ષની કેદની સજા સંભળાવી હતી. રાહુલ ગાંધી પર 2019ની લોકસભા ચૂંટણી દરમિયાન મોદી સરનેમને લઈને વિવાદાસ્પદ ટિપ્પણી કરવાનો આરોપ લાગ્યો હતો. જેમની વિરુદ્ધ ગુજરાત ભાજપના ધારાસભ્ય પૂર્ણેશ મોદીએ રાહુલ વિરુદ્ધ માનહાનિનો કેસ દાખલ કર્યો હતો.

ગુરુવારે સુરત કોર્ટે રાહુલ ગાંધીને માનહાનિના ગુનામાં દોષિત ઠેરવીને 2 વર્ષની જેલની સજા ફટકારી છે. તેના પર 15,000 રૂપિયાનો દંડ પણ ફટકારવામાં આવ્યો છે. જોકે, તેને કોર્ટમાંથી જામીન પણ મળી ગયા હતા.  કોર્ટે 15000 રૂપિયાનો દંડ પણ ફટકાર્યો છે. આ સાથે જ સજાને 30 દિવસ માટે સ્થગિત કરી દેવામાં આવી છે. એટલે કે, રાહુલ ગાંધી પાસે સજા સામે ઉચ્ચ અદાલતમાં અપીલ કરવા માટે એક મહિનાનો સમય છે.

2019નો કેસ રાહુલ ગાંધીની ‘મોદી સરનેમ’ પરની ટિપ્પણીથી સંબંધિત છે જેમાં તેમણે કહ્યું હતું કે, “બધા ચોરો પાસે મોદીની અટક કેવી રીતે છે?”, નીરવ મોદી, લલિત મોદી અને અન્યના નામ લઈને કહ્યું હતું. કોર્ટના આ નિર્ણયથી રાહુલ ગાંધીની લોકસભાની સદસ્યતા પર સંકટ સર્જાયું છે અને આ સંકટનું કારણ લોક પ્રતિનિધિત્વ અધિનિયમ, 1951ની જોગવાઈઓ અને સુપ્રીમ કોર્ટ દ્વારા આપવામાં આવેલા જૂના નિર્ણયો છે.