મોદીના થાળી અને તાળી વગાડવાની જાહેરાતને લઈને રાહુલ ગાંધી બોલ્યા...

પ્રધાનમંત્રી મોદી દ્વારા 22 માર્ચના રોજ સમગ્ર દેશમાં જનતા કર્ફ્યૂની જાહેરાત કરવામાં આવી છે. પીએમ મોદીએ 22 માર્ચે જનતા કર્ફયૂની અપીલ કરી છે. આ સાથે જ તેઓએ જનતાને કર્ફયૂ દરમિયાન રવિવારે સાંજે 5 વાગ્યે લોકો પોતાના ઘરના દરવાજે, બારી, બાલકનીમાંથી સેવા કરનારાઓનું તાળી, થાળી વગાડી કે ઘંટી રણકાવીને અભિવાદન કરે તેવી અપીલ કરી હતી. કોંગ્રેસ સાંસદ રાહુલ ગાંધીએ કહ્યું કે, કોરોના વાયરસ દેશની નબળી અર્થવ્યવસ્થા પર એક મોટો પ્રહાર છે અને નાના, મધ્યમ કે મજૂરી કરનારાઓને સૌથી વધારે પ્રભાવિત કરશે. તાળી વગાડવાથી તેમને મદદ મળશે નહીં. આજે રોકડ મદદ, ટેક્સ બ્રેક અને દેવા પર રોક જેવા મોટા આર્થિક પેકેજની જરૂર છે. જલ્દી કઈ કરો.

कोरोनावायरस हमारी नाज़ुक अर्थव्यवस्था पर एक कड़ा प्रहार है।

छोटे, मध्यम व्यवसायी और दिहाड़ी मजदूर इससे सबसे ज्यादा प्रभावित हैं। ताली बजाने से उन्हें मदद नहीं मिलेगी। आज नकद मदद, टैक्स ब्रेक और कर्ज अदायगी पर रोक जैसे एक बड़े आर्थिक पैकेज की जरुरत है।
तुरतं कदम उठाये!

— Rahul Gandhi (@RahulGandhi) March 21, 2020

કોરોના વાયરસનો માર ભારતીય અર્થવ્યવસ્થા પર પડી રહ્યો છે. તેનો સામનો કરવા માટે સરકાર તમામ પ્રયાસો કરી રહી છે. એવામાં રાહુલ ગાંધીની ટ્વીટ એવા સમયે આવી છે જ્યારે નાણામંત્રી નિર્મલા સીતારમને કોરોના વાયરસથી પ્રભાવિત ક્ષેત્રો માટે આર્થિક પેકેજ આપવાના સંકેત આપ્યા છે. સીતારમને કહ્યું છે કે, આર્થિક પેકેજ જેટલું જલદી સંભવ બની શકે તેટલું જલદી આપવામાં આવશે.