વલસાડમાં ભારે પવન સાથે ખાબક્યો મુશળધાર વરસાદ, વીજપ્રવાહ ખોરવાતાં છવાયો અંધકાર

વલસાડ(ગુજરાત): હવામાન વિભાગની આગાહી બાદ સમગ્ર રાજ્ય સહિત વલસાડ(Valsad) જિલ્લામાં હવામાને પલટો લીધો છે. સોમવારે(On monday) જિલ્લા સહિત રાજ્યભરમાં ભારે પવન ફૂંકાયો હતો. આવી સ્થિતિમાં વલસાડ શહેરમાં મંગળવાર(Tuesday) સવારથી ભારે વરસાદ જોવા મળી રહ્યો છે.

વલસાડ શહેરમાં સવારથી વાતાવરણમાં ઠંડક પ્રસરી ગઈ છે. આકાશમાં કાળાડિબાંગ વાદળો અને મુશળધાર વરસાદથી લોકોને થોડી રાહત મળી છે. જોકે, આ પ્રિ-મોન્સુન એક્ટિવિટીને કારણે કેરીના પાકને નુકશાન થવાની જીલ્લાના ખેડૂતો ચિંતિત છે.

ત્યારે ધોધમાર વરસાદને લઈને શહેરના રસ્તાઓ પર પાણી ભરાઈ ગયું હતું. આજે મંગળવારે વહેલી સવારે નોકરી-ધંધા પર નીકળેલા લોકો પણ અચાનક વરસાદ પડતાં ભીંજાઈ ગયા હતા. ઉલ્લેખનીય છે કે, આજરોજ સવારથી જ વલસાડ જિલ્લામાં વરસાદની સાથે સાથે ભારે પવન પણ ફૂંકાઇ રહ્યો છે.