ભગવાન આવો કપાતર પુત્ર કોઈને ન આપે: 90 વર્ષીય વૃદ્ધ પિતાને માર માર્યાનો વિડીયો વાઈરલ

રાજુલા(ગુજરાત): અમરેલી જિલ્લામાં રાજુલા પોલીસે 90 વર્ષના પિતાને માર મારનારા કપૂતની ધરપકડ કરીને કાયદેસરની કાર્યવાહી શરુ કરી છે. વૃદ્ધ પિતાને ઘરની બહાર જવાની ના પાડી હોવા છતા ઘરની બહાર નીકળી જતા પુત્રએ વૃદ્ધ પિતાને માર માર્યો હોવાની ઘટના જોવા મળી છે. વૃદ્ધ પિતા પર પુત્રએ ત્રાસ ગુજાર્યો હોવાની જાણ ‘ખજૂર’ને થતા તેને એક વીડિયોના માધ્યમથી વૃદ્ધ પર ત્રાસ ગુજારનારા પુત્ર વિરુધ કાર્યવાહીની માંગણી કરી હતી.

તાઉ-તે વાવાઝોડાના કારણે અમરેલી જિલ્લામાં અનેક મકાનોના છાપરા ઉડી ગયા છે. ત્યારે રાજુલામાં રહેતા 90 વર્ષના કાનજીભાઈનું પણ મકાન પડી ગયું હતું. જેની જાણ નીતિન જાની ઉર્ફે ખજૂરની ટીમને થતા તેમને મકાન બનાવી આપવામા આવ્યું હતું. 90 વર્ષના કાનજીભાઈના 2 પુત્રો છે છતાં કાનજીભાઈ એકલા રહેતા હતા. તેના પુત્રએ તેને ઘરની બહાર નીકળવાની ના પાડી હોવા છતા વૃદ્ધ ઘરની બહાર નીકળી જતા શામજીભાઈ નામના પુત્રએ વૃદ્ધ પિતાને માર માર્યો હતો. આ વાતની જાણ ગ્રામજનોએ ‘ખજૂર’ને કરી હતી. તેને એક વીડિયોના માધ્યમથી શામજીભાઈ વિરુધ કાર્યવાહીની માંગણી કરી હતી.

 

View this post on Instagram

 

A post shared by Nitin Jani(Khajur Bhai) (@nitinjani24)