જાણો કેવી રીતે 90 વર્ષની ઉંમરે વડોદરાના જગીબેને કોરોનાને હરાવ્યો- દરેકે ખાસ વાંચવા જેવો છે આ લેખ

હાલમાં કાળ બનતા કોરોનાએ દરેકને પોતાનો ભોગ બનાવ્યા છે. નાના બાળકોથી લઈને વૃદ્ધ વ્યક્તિઓ પણ કોરોનાનો ભોગ બની ચુક્યા છે. અમુક વ્યક્તિઓ એવાં હોય છે જે કોરોનામાંથી મુક્તિ મેળવે પરંતુ અમુક લોકો કોરોનામાં પોતાનો જીવ ગુમાવી દે છે. આ દરમિયાન સુરતમાંથી એવો એક કિસ્સો સામે આવ્યો છે જેમાં એક 90 વર્ષના વૃદ્ધ મહિલાએ કોરોનાને મ્હાત આપી છે.

90 વર્ષના જગીબેન આઇસોલેશન સેન્ટરમાં સારવાર લઇ સાજા થયાં છે. મૂળ જામનગરના વતની અને વડોદરાના પંડિત દિનદયાળ વિસ્તારમાં રહેતા જગીબેન મકવાણાને અઠવાડિયા પહેલાં શ્વાસની તકલીફ સાથે સુરતના સિંગણપોર મલ્ટિપર્પઝ કોમ્યુનિટી હોલના આઇસોલેશન સેન્ટર ખાતે લાવવામાં આવ્યા હતાં.

કોરોના સામે ઝઝુમી રહેલા જગીબેનને એકલવાયુ ન લાગે એટલા માટે આઇસોલેશન સેન્ટરના સ્વંયસેવકો દ્વારા એમને ઘર જેવું વાતાવરણ પુરૂં પાડવામાં આવ્યું હતું. જગીબેનના પરિવારના 11 સભ્યોને પણ કોરોના થતાં એમને વિવિધ હોસ્પિટલમાં દાખલ કરવામાં આવ્યા છે. 90 વર્ષીય જગીબેનને સેન્ટરમાં જ ઘર જેવું વાતાવરણ મળતા તેઓ સ્વસ્થ થઇ ગયા હતા. જાણવા મળ્યું છે કે, મંગળવારે તેમને રજા પણ આપી દેવામાં આવશે.