November 06, 2024
બોલિવૂડ એક્ટર રણવીર સિંહના ફેન્સની લાંબી રાહ આખરે પૂરી થઈ છે. અભિનેતાની આગામી ફિલ્મ જયેશભાઈ જોરદારની ચાહકો આતુરતાથી રાહ જોઈ રહ્યા હતા, હવે આખરે આ ફિલ્મનું મજેદાર ટ્રેલર રિલીઝ કરવામાં આવ્યું છે. રણવીર સિંહ અને શાલિની પાંડે સ્ટાર ફિલ્મ જયેશભાઈ જોરદારનું ટ્રેલર ખૂબ જ મનોરંજક છે.
જયેશભાઈ જોરદાર 13 મેના રોજ રિલીઝ થશે
તમને રણવીર સિંહની જયેશભાઈ જોરદાર સ્ટાઈલ ગમશે. આ ફિલ્મ 13 મેના રોજ સિનેમાઘરોમાં રિલીઝ થશે. ફિલ્મમાં રણવીર સિંહ ઉપરાંત શાલિની પાંડે, રત્ના પાઠક શાહ, દીક્ષા જોશી અને બોમન ઈરાની મહત્વની ભૂમિકામાં જોવા મળશે. આ ફિલ્મ દિવ્યાંગ ઠક્કરે ડિરેક્ટ કરી છે. આ એક સોશિયલ કોમેડી ડ્રામા ફિલ્મ છે. આ ફિલ્મનું નિર્માણ આદિત્ય ચોપરા, મનીષ શર્માએ કર્યું છે. ફિલ્મમાં રણવીર સિંહ એક ગુજરાતી વ્યક્તિ બન્યો છે જે સમાજમાં મહિલાઓ અને પુરુષોને સમાન અધિકાર આપવામાં માને છે.
Trending News
શું છે ફિલ્મની વાર્તા?
આ જયેશની રમુજી દુનિયાની વાર્તા છે. જ્યાં ફક્ત તેના પિતા શાસન કરે છે. જયેશના પિતા (બોમન ઈરાની) ગામના સરપંચ છે. તેમના પછી જયેશને સરપંચની આ ખુરશી મળશે અને જયેશ પછી સરપંચની ખુરશી કોની હશે, આ વાર્તા તમને ફિલ્મમાં જોવા મળશે. જયેશના પિતા ઈચ્છે છે કે કુલદીપક ઘરમાં આવે જેથી તે વારસદાર બની શકે. જયેશને પહેલેથી એક દીકરી છે. હવે જયેશની પત્ની મુદ્રા (શાલિની પાંડે) ફરી ગર્ભવતી છે. જયેશના ઘરે છોકરો કે છોકરી આવશે, આ સૌથી મોટો ટ્વિસ્ટ છે. જો છોકરો હશે તો વારસદાર બનશે, જો છોકરી હશે તો તેને ગર્ભમાં જ મારી નાખવામાં આવશે.
જયેશ તેની પત્નીના પેટમાં ઉછરી રહેલી પુત્રીને બચાવવા માટે ઘર છોડીને ભાગી ગયો છે. સરપંચ પિતા-પુત્ર જયેશની ભાગદોડનું પરિણામ, શું જયેશના ઘરે ફરી ગુંજશે દીકરીના આક્રંદ, શું જયેશના સરપંચ પિતાની વિચારસરણી બદલાશે? ફિલ્મ જોયા પછી જ જવાબ મળશે. જયેશના પાત્રમાં રણવીર સિંહ સંપૂર્ણપણે જામી ગયો છે. શાલિની પાંડે, જે તેની પત્નીની ભૂમિકામાં જોવા મળી હતી, તે પણ તેના રોલમાં પરફેક્ટ છે. એકંદરે રણવીર સિંહની આ ફિલ્મ વર્ષ 2022ની સૌથી મોટી એન્ટરટેઈનર ફિલ્મ સાબિત થવા જઈ રહી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.