પેસેન્જરોથી ભરેલી બસમાં નરાધમોએ મહિલા પર આચર્યું દુષ્કર્મ- જાણો કયાની છે ઘટના

યુપીના મથુરામાં ચાલતી બસમાં મહિલા સાથે બળાત્કારનો કિસ્સો પ્રકાશમાં આવ્યો છે. આ ઘટના મથુરાના માટ વિસ્તારની છે. જ્યાં બસના કંડકટરે ડબલ ડેકર બસમાં જતા મહિલા પર બળાત્કાર ગુજાર્યો હતો. મહિલાએ જ્યારે આ કેસની ફરિયાદ કરી હતી, ત્યારે પોલીસે આરોપી કંડક્ટરની ધરપકડ કરી હતી.

કહેવામાં આવી રહ્યું છે કે આ મહિલા દિલ્હીની રહેવાસી છે અને ડબલ ડેકર બસમાં લખનૌથી દિલ્હી જઇ રહી હતી. કંડકટરે ચાલતી બસમાં મહિલા પર બળાત્કાર ગુજાર્યો હતો. આ ઘટના સવારે 5 વાગ્યાની આસપાસની કહેવામાં આવી રહી છે. મહિલાએ જાતે 112 પર ફોન કર્યો હતો અને પોલીસમાં ફરિયાદ નોંધાવી હતી. પોલીસે તુરંત આરોપીની ધરપકડ કરી હતી.

આ કેસમાં એસપી દેહત શ્રીચંદનું કહેવું છે કે એક મહિલા સાથે ડબલ ડેકર બસમાં ગેરરીતિ કરવાનો મામલો સામે આવ્યો છે. કેસ નોંધીને કાર્યવાહી હાથ ધરી છે. ઓગસ્ટ 29 ના રોજ, એક મહિલાએ ડાયલ -112 પર બળાત્કારની જાણ કરી હતી. મહિલાએ પોલીસને બસ નંબર એઆર 01 એલ 1052 પણ જણાવ્યું હતું. પોલીસે વિલંબ કર્યા વિના એક આરોપીની ધરપકડ કરી હતી.