November 28, 2024
જો તમારી પાસે પણ રેશનકાર્ડ(Ration card) છે અને તમે તેના પર સસ્તા રાશન યોજનાનો લાભ ઉઠાવો છો, તો આ સમાચાર તમારા કામના છે. હા, નવેમ્બર મહિનો રેશનકાર્ડ ધારકો માટે મોટા સમાચાર લઈને આવ્યો છે. ખરેખર, છત્તીસગઢ(Chhattisgarh) રાજ્યમાં લોકોને બમ્પર ચોખા મળશે. નવેમ્બર મહિનામાં રાજ્યના બીપીએલ પરિવારોને 45 કિલોથી 135 કિલો સુધીના ચોખા મળશે. આ ઉપરાંત રાજ્યના પ્રાથમિકતા ધરાવતા રેશનકાર્ડ ધારકોને 15 કિલોથી 150 કિલો ચોખા મળશે. આ ચોખા રેશનકાર્ડ ધારકોને બિલકુલ મફતમાં આપવામાં આવશે.
10 રૂપિયે કિલો ચોખા લેવામાં આવ્યા હતા:
અહીં ઓક્ટોબર સુધી, BPL પરિવારોએ 1 રૂપિયામાં અને APL પરિવારોને 10 રૂપિયા પ્રતિ કિલોના ભાવે ચોખા ખરીદવા પડતા હતા. તમને જણાવી દઈએ કે છત્તીસગઢમાં લોકડાઉન દરમિયાન એક પરિવારને વધુમાં વધુ 85 કિલો ચોખા આપવામાં આવ્યા હતા. કેન્દ્રની મોદી સરકાર તરફથી દેશના લોકોને ડિસેમ્બર સુધી વધારાના ચોખા મફતમાં આપવાની જાહેરાત કરવામાં આવી છે.
પરિવારના સભ્યોના આધારે ચોખા મળશે:
કેન્દ્ર દ્વારા આ ચોખાનું વિતરણ ઓક્ટોબરથી થવાનું હતું. પરંતુ કોઈ કારણોસર ઓક્ટોબરમાં ચોખાનું વિતરણ થઈ શક્યું ન હતું. રાજ્ય સરકારને હવે એકસાથે ઓક્ટોબર-નવેમ્બર (બે મહિના) માટે કેન્દ્રનો ચોખાનો ક્વોટા મળ્યો છે. આવી સ્થિતિમાં કેન્દ્રના વધારાના ચોખા રેશનકાર્ડ મુજબ 5 થી 50 કિલો સુધીનું વિતરણ કરવામાં આવશે. કેટલા ચોખા મળશે, તે પરિવારના સભ્યોના આધારે આપવામાં આવશે.
Trending News
કેન્દ્ર તરફથી બે મહિનાના ચોખા:
રેશનકાર્ડ ધારકોને પ્રાથમિકતા કાર્ડ પર છત્તીસગઢ સરકારના ક્વોટામાંથી વહેંચવામાં આવતા ચોખામાં પરિવારના સભ્યોના આધારે 15 થી 150 કિલો ચોખા મળશે. વાસ્તવમાં બે મહિનાના વધારાના ચોખા અને આ મહિનાના ચોખા એક જ વારમાં વહેંચવાને કારણે ચોખાના જથ્થામાં વધારો થયો છે. ડિસેમ્બરમાં પણ કેન્દ્ર અને રાજ્ય સરકારો દ્વારા ચોખાનું વિનામૂલ્યે વિતરણ કરવામાં આવશે.
ચોખા વિતરણમાં દુકાનો પર ગડબડ થવાની સંભાવના છે:
એક સાથે મોટા જથ્થામાં ચોખાનું વિતરણ થવાને કારણે કેટલીક દુકાનોમાં ગડબડ થવાની પણ શક્યતા છે. આ અંગે કેટલાક દુકાનદારોને નોટિસ પણ આપવામાં આવી છે. તેથી સરકાર દ્વારા લોકોને જાગૃત કરવામાં આવી રહ્યા છે કે આ વખતે રાશન તરીકે કેટલા ચોખા મળશે. રેશનના દુકાનદારોને તેમની દુકાનોની બહાર કયા રેશનકાર્ડ ધારકોને કેટલા ચોખા આપવામાં આવશે તેની માહિતી ચોંટાડવાનું પણ કહેવામાં આવ્યું છે. આ સાથે અપીલ કરવામાં આવી છે કે આખા ચોખા લીધા પછી જ અંગુઠો લગાવો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.