November 05, 2024
Royal Enfield Gasoline: રસ્તા પર ક્યાંક દૂરથી આવતો આ અવાજ પોતે જ ‘મુનાડી’ જેવો કામ કરે છે કે… શાહી સવારી આવી રહી છે. જો તમે સાચા રોયલ એનફિલ્ડના ચાહક છો, તો મને આશા છે કે તમે સમજી ગયા હશો કે અમે ‘બુલેટ’ની એક્ઝોસ્ટ નોટ વિશે વાત કરી રહ્યા છીએ. પરંતુ જો કોઈ ઝડપી બુલેટ(Royal Enfield Gasoline) બાઇક તમારી પાસેથી પસાર થઈ જાય અને તમે તેના પર ધ્યાન ન આપો તો શું થશે.
તમને વાંચીને થોડું અજીબ લાગશે કે આ કેવી રીતે શક્ય છે, પરંતુ આ સત્ય છે. દેશના ઓટો સેક્ટરમાં વધુને વધુ ઇલેક્ટ્રિફાઇડ થવા સાથે, લગભગ દરેક જણ રોયલ એનફિલ્ડના ઇલેક્ટ્રિક અવતારની રાહ જોઈ રહ્યા છે. કંપનીએ રોયલ એનફિલ્ડના ઇલેક્ટ્રિફિકેશન અંગે પણ પોતાનો ઇરાદો વ્યક્ત કર્યો છે કે તેઓ આ દિશામાં કામ કરી રહ્યા છે. પરંતુ તે પહેલા આજે અમે તમને ઇલેક્ટ્રિક બુલેટનો પરિચય કરાવવા જઈ રહ્યા છીએ. આ બાઇક બેંગલુરુ સ્થિત બુલેટિયર કસ્ટમ્સ દ્વારા બનાવવામાં આવી છે અને રસપ્રદ વાત એ છે કે આ ઇલેક્ટ્રિક બુલેટનું નામ ‘ગેસોલિન’ છે.
બુલેટિયર કસ્ટમ્સ છેલ્લા 16 વર્ષથી રોયલ એનફિલ્ડના વાહનોના કસ્ટમાઇઝેશન માટે વિશેષ રૂપે કાર્યરત છે. તાજેતરમાં, કંપનીએ રોયલ એનફિલ્ડની પ્રખ્યાત બાઇક 1984 મોડલ બુલેટને ઇલેક્ટ્રિક અવતારમાં વિકસાવી છે.
Trending News
ઇલેક્ટ્રિક બુલેટનો વિચાર કેવી રીતે આવ્યો?
રિકાર્ડો કહે છે કે તેની પાસે તેના પિતા દ્વારા 1984 મોડલની રોયલ એનફિલ્ડ બુલેટ ભેટમાં હતી, જે પરંપરાગત ગિયર સિસ્ટમ સાથે આવી હતી. તેઓ તેમના પુત્રને ઇલેક્ટ્રિક બાઇક આપવા માંગતા હતા અને અહીંથી તેમને તેમના જૂના બુલેટને ઇલેક્ટ્રિક અવતારમાં બદલવાનો વિચાર આવ્યો. આ માટે તેણે જૂની બાઇકમાં ઘણા ફેરફારો કર્યા, જેમ કે બાઇકના લુક અને ડિઝાઇન પર તેમજ મેકેનિઝમ પર મહિનાઓ સુધી કામ કરવું.
રોયલ એનફિલ્ડ ગેસોલિન કેવું છે
રિકાર્ડોએ જણાવ્યું કે, બાઈકને બોબર લુક આપવા માટે ચેસીસને 3 ઈંચ લંબાવવામાં આવી છે, આ સિવાય તેમાં નવી ડિઝાઈનની ફ્યુઅલ ટેન્ક આપવામાં આવી છે. એન્જિનના ભાગને હટાવીને ત્યાં બેટરીને જગ્યા આપવામાં આવી છે. બેટરીને કવર કરવા માટે ખાસ ડિઝાઈન કરાયેલ કવર બનાવવામાં આવ્યું છે, જે મોટા એન્જિન જેવું લાગે છે. તે ફ્યુઅલ ટાંકીની બરાબર નીચે મૂકવામાં આવે છે. બાઇકના કંટ્રોલરને ફ્યુઅલ ટેન્કમાં મૂકવામાં આવ્યું છે, જે અલગ-અલગ ડ્રાઇવિંગ મોડ ઓફર કરે છે. તેનું કંટ્રોલર નાઈટ્રો બૂસ્ટ સિસ્ટમ પણ પ્રદાન કરે છે, જેના કારણે બાઇકની મોટર શરૂઆતની 5 સેકન્ડ માટે એકદમ પાવરફુલ હોય છે.
ડ્રાઇવિંગ રેન્જ અને પ્રદર્શન
ઇલેક્ટ્રિક બુલેટ બનાવવા માટે 5 kW ક્ષમતાની BLDC હબ મોટર મુંબઈ સ્થિત Gogo A1 પેઢી પાસેથી લેવામાં આવી છે. આ સિવાય બેંગલુરુ સ્થિત Microtek માંથી મેળવેલ 72 V 80 Ah બેટરી પેકનો ઉપયોગ કરવામાં આવ્યો છે. આ બાઇક રેગ્યુલર મોડમાં 90 કિમી અને ઇકોનોમી મોડમાં 100 કિમીથી વધુની ડ્રાઇવિંગ રેન્જ આપે છે. તેની બેટરીને ફુલ ચાર્જ થવામાં લગભગ 7 કલાક લાગે છે અને તેને 15 એમ્પીયર ડોમેસ્ટિક સોકેટ સાથે કનેક્ટ કરીને ચાર્જ કરી શકાય છે. તેની ટોપ સ્પીડ 110 કિલોમીટર પ્રતિ કલાક છે.
નામ પણ અનોખું છે
આ ઇલેક્ટ્રિક બુલેટનું નામ પણ ખૂબ જ અનોખું છે. રિકાર્ડો કહે છે કે, હું રેગ્યુલર પેટ્રોલ બાઈકને ટ્રિબ્યુટ આપવા માંગતો હતો. એટલા માટે અમે આ બાઇક માટે ‘ગેસોલિન’ નામ પસંદ કર્યું છે. તે થોડું વિચિત્ર લાગે છે પરંતુ ઇલેક્ટ્રિક બાઇક માટે ગેસોલિન નામનો ઉપયોગ તેને રસપ્રદ પણ બનાવે છે. આ સિવાય આ બુલેટ સામાન્ય ઈલેક્ટ્રિક ટુ-વ્હીલરની જેમ એકદમ સાયલન્ટ છે. એટલે કે, જ્યારે તમે આ 145 કિલોનું મશીન રસ્તા પર ચલાવો છો, ત્યારે તે ખૂબ જ શાંતિથી આગળ વધે છે. રિકાર્ડોનું કહેવું છે કે આ બાઇકને બનાવવામાં લગભગ 3 લાખ રૂપિયાનો ખર્ચ થયો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube