કેન્દ્ર સરકારે કરી જાહેરાત, આટલા પોઈન્ટ પર રાખો AC- ઘરમાં નહી ઘૂસે કોરોના

હવે ઉનાળાની ઋતુ આવી ગઈ છે અને ગરમીથી બચવા લોકો AC નો ઉપયોગ કરે છે. એક રિસર્ચ મુજબ AC ના વપરાશથી પણ કોરોના સંક્રમણ ફેલાઈ શકે છે અને ચીનના રેસ્ટોરન્ટમાં એવું બન્યું પણ છે. આવામાં AC ચલાવતા સમયે કેટલીક વાતોનું ધ્યાન રાખવુ ખૂબ જ જરૂરી છે. કેન્દ્ર સરકારે તેને લઈને ગાઇડલાઇન જાહેર કરી છે.

સરકારનું કહેવુ છે કે, કોવિડ-19 મહામારી વચ્ચે એસીનું તાપમાન 24-30 ડિગ્રી સેન્ટીગ્રેડ વચ્ચે હોવું જોઈએ. સાથે જ સરકારે જણાવ્યુ કે, હ્યુમિડિટીનું પ્રમાણ 40-70 ટકાની વચ્ચે હોવું જોઈએ. આ ગાઇડલાઈન ઈન્ડિયન સોસાયટી ઓફ હિટીંગ રેફ્રિજરેટિંગ એન્ડ એરકંડીશનર એન્જિનિયર્સે તૈયાર કરી છે. તે પછી ન્ટ્રલ પબ્લિક વર્કસ ડિપાર્ટમેન્ટ (સીપીડબ્લ્યુડી)એ તેને જાહેર કરી છે.

20 એપ્રિલથી કેન્દ્ર સરકારની મોટા ભાગની ઓફિસો શરૂ થઈ ગઈ છે. અને આ ઓફિસોમાં ગરમીથી બચવા એસીનો ઉપયોગ કરવામાં આવે છે. તેને ધ્યાનમાં રાખીને કોઈ પણ કર્મચારી કોરોનાનો ભોગ ન બને તેથી આ ગાઇડલાઈન જાહેર કરવામાં આવી છે. ઘરોમાં એસી ચલાવતા સમયે તાપમાન સિવાય બીજી વાતોનું પણ ધ્યાન રાખવુ જરૂરી છે.