November 24, 2024
Russian President Vladimir Putin Heart Attack: રશિયાના રાષ્ટ્રપતિ વ્લાદિમીર પુતિનના સ્વાસ્થ્ય અંગે મહિનાઓ સુધી ચાલતી અટકળો બાદ તેમને હાર્ટ એટેક આવ્યો હોવાના અહેવાલ છે. આ સમાચાર ટેલિગ્રામ ગ્રુપ જનરલ એસવીઆર દ્વારા શેર કરવામાં આવ્યા છે. આ સંસ્થા દાવો કરે છે કે તે રશિયામાં નિવૃત્ત ગુપ્તચર અધિકારીઓ અને ક્રેમલિન અધિકારીઓ પાસેથી માહિતી મેળવે છે.
ટેલિગ્રામ ગ્રુપના સમાચાર બ્રિટિશ સમાચાર આઉટલેટ્સ ધ મિરર, જીબી ન્યૂઝ અને ધ એક્સપ્રેસ દ્વારા પ્રકાશિત કરવામાં આવ્યા છે. સમાચાર અનુસાર, રવિવારે રાત્રે લગભગ 9.05 વાગ્યે પુતિન તેમના બેડરૂમના ફ્લોર પર ખાદ્યપદાર્થો પાસે પડેલા મળી આવ્યા હતા. જ્યારે તેમના સુરક્ષાકર્મીઓએ અવાજ અને રાષ્ટ્રપતિના ફ્લોર પર અથડાવાનો અવાજ સાંભળ્યો ત્યારે તેઓ રૂમમાં પહોંચ્યા.
જનરલ SVR ટેલિગ્રામ ગ્રુપે લખ્યું, ‘સંભવ છે કે જ્યારે રાષ્ટ્રપતિ પુતિન પડી ગયા ત્યારે તેમનો હાથ ટેબલ પર રાખેલા વાસણોને સ્પર્શી ગયો હશે અને અવાજ સાંભળીને જ સુરક્ષા અધિકારીઓ રૂમમાં આવ્યા.’ ટેલિગ્રામ ગ્રૂપે વધુમાં જણાવ્યું હતું કે, “જ્યારે પુતિન ફ્લોર પર પડ્યા હતા, ત્યારે તેમની આંખો ઉપરની તરફ વળેલી હતી.” જનરલ એસવીઆરના જણાવ્યા અનુસાર, બાજુના રૂમમાંથી રાષ્ટ્રપતિ પુતિનના ડૉક્ટરને બોલાવવામાં આવ્યા હતા. પુતિનને તાત્કાલિક સારવાર મળ્યા બાદ ફરીથી હોશ આવ્યો. આ પછી પુતિનને બીજા રૂમમાં લઈ જવામાં આવ્યા જ્યાં સ્વાસ્થ્ય સુવિધાઓ ઉપલબ્ધ હતી.
Trending News
પુતિનના સ્વાસ્થ્ય વિશે વધતી અટકળો અને કથિત હત્યાના કાવતરાને નિષ્ફળ બનાવવાના અહેવાલો વચ્ચે આ રિપોર્ટ આવ્યો છે. જનરલ SVR કથિત રીતે ભૂતપૂર્વ રશિયન લેફ્ટનન્ટ-જનરલ દ્વારા ચલાવવામાં આવે છે. ચેનલના દાવા કે, રશિયન રાષ્ટ્રપતિએ બોડી ડબલ્સનો ઉપયોગ કર્યો તેની પણ પુષ્ટિ થઈ નથી.
ડોક્ટરોએ આપી દીધી પુતિનના મૃત્યુની તારીખ
રશિયન રાષ્ટ્રપતિ કેન્સર સહિત અન્ય ઘણી બીમારીઓથી પીડિત છે. ટેલિગ્રામ ગ્રૂપ જનરલ એસબીઆરએ દાવો કર્યો છે કે પુતિનની તબિયતને જોતા ડોક્ટરોએ કહ્યું છે કે તેઓ શિયાળા પછી બચી શકશે નહીં. ટેલિગ્રામ જૂથે દાવો કર્યો છે કે, હાર્ટ એટેક પછી પુતિનની નજીકના ઘણા લોકોએ ફોન પર એકબીજાનો સંપર્ક કર્યો હતો અને જો રાષ્ટ્રપતિનું અવસાન થાય તો આગામી દિવસોમાં સંભવિત પગલાં વિશે વાત કરવાનું નક્કી કર્યું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube