પુતીને કહ્યું: કોઈ વચ્ચે ના આવતા, આવ્યા તો ક્યારેય નથી જોયા એવા પરિણામ આવશે- યુક્રેને નરેન્દ્ર મોદીને કહ્યું તમે બચાવો

રશિયા-યુક્રેન યુદ્ધ(Russia-Ukraine War): રશિયાએ તેની સંપૂર્ણ સૈન્ય શક્તિ સાથે યુક્રેન પર હુમલો કર્યો છે. બ્રિટન (યુકે) અને અમેરિકા (યુએસ) આ હુમલાના ગંભીર પરિણામોની ચેતવણી આપી રહ્યા છે. પરંતુ હુમલા માટે આંતરરાષ્ટ્રીય નિંદા અને પ્રતિબંધોને અવગણીને, રશિયન પ્રમુખ વ્લાદિમીર પુતીને અન્ય દેશોને ચેતવણી આપી હતી કે, “રશિયન કાર્યવાહીમાં દખલ કરવા કોઈ વચ્ચે ના આવતા, આવ્યા તો ક્યારેય નથી જોયા એવા પરિણામ આવશે” તેનો અર્થ એ પણ લેવામાં આવી રહ્યો છે કે પુતિન નાટોને સીધી ચેતવણી આપી રહ્યા છે. અને અમેરિકા યુક્રેન પર રશિયન હુમલામાં હસ્તક્ષેપ ન કરે, નહીં તો તેણે પણ ગંભીર પરિણામો ભોગવવા પડશે.

રશિયાના સંરક્ષણ મંત્રાલયે જણાવ્યું છે કે, રશિયન સેના યુક્રેનના મહત્વપૂર્ણ સૈન્ય મથકોને પસંદ કરીને યુક્રેનના લશ્કરી માળખાને નિશાન બનાવી રહી છે. રશિયાના નિશાના પર યુક્રેનનું ઈન્ફ્રાસ્ટ્રક્ચર, એર ડિફેન્સ ફેસિલિટી, મિલિટરી એરફિલ્ડ અને મિલિટ્રી એરફિલ્ડને પણ રશિયા પોતાના હથિયાર વડે નિશાન બનાવી રહ્યું છે. ગુરુવારે સવારે પુતિને પૂર્વ યુક્રેનમાં લશ્કરી કાર્યવાહીનો આદેશ આપ્યો હતો. રશિયન સેનાએ ક્રિમિયા થઈને યુક્રેનમાં પ્રવેશ કરવાનું શરૂ કર્યું.

તે જ સમયે, અમેરિકાએ રશિયાના આ આદેશની આકરી ટીકા કરી છે. યુક્રેન પર રશિયાના હુમલા વિશે અમેરિકી રાષ્ટ્રપતિ જો બિડેને કહ્યું કે આ હુમલો સંપૂર્ણપણે અસંગત અને ઉશ્કેરણી વગરનો છે. બુધવારે જ યુક્રેનના રાષ્ટ્રપતિ વોલોદિમિર ઝેલેન્સકીએ કહ્યું હતું કે રશિયા યુક્રેન પર ગમે ત્યારે હુમલો કરી શકે છે.બ્રિટિશ વડા પ્રધાન બોરિસ જોન્સને ટ્વિટ કર્યું કે, “યુક્રેનમાં ભયાનક ઘટનાક્રમથી આઘાતમાં છું, અને મેં (યુક્રેનના) રાષ્ટ્રપતિ ઝેલેન્સકી સાથે આગળના પગલાં અંગે ચર્ચા કરી છે.”

જ્યારે યુક્રેને ભારત સહિત વિશ્વના ઘણા દેશોને આ મુશ્કેલ સમયમાં યુક્રેનને સાથ આપવા અને રશિયન રાષ્ટ્રપતિ પુતિનને મનાવવાની અપીલ કરી છે. યુક્રેનના રાષ્ટ્રપતિએ વૈશ્વિક નેતાઓને સંરક્ષણ સહાય પૂરી પાડવા અને રશિયાને યુક્રેનની એરસ્પેસની સુરક્ષામાં મદદ કરવા વિનંતી કરી છે.