મારા પતિએ 15 લાખ અને 81 લોકર તોડીને ચોર્યા નો આરોપ મુકનાર ભાજપ કોર્પોરેટર સામે ACB માં ફરિયાદની કવાયત

બે દિવસ અગાઉ સુરતમાં ભાજપના મહિલા કોર્પોરેટર દ્વારા બદનાક્ષી અંગે એનસી ફરિયાદ નોંધાવવામાં આવી છે. જેને લઇને સુરતનું રાજકારણ ગરમાયું છે. AAP પાર્ટી છોડીને ભાજપમાં જોડાયેલા ઋતા દુધાગરા બાદ ઋતા કાકડિયા અને હવે ઋતા ખેની તરીકે ઓળખાય છે. તેઓ વોર્ડ નંબર ત્રણના સુરત મહાનગરપાલિકાના નગરસેવક તરીકે સેવા આપે છે. ફરિયાદમાં કોર્પોરેટર દ્વારા પોતાની બદનામી કરવામાં આવી રહી છે તેવું જણાવવામાં આવ્યું છે.

આ ફરિયાદ પહેલા કોર્પોરેટર દ્વારા પોલીસ તંત્ર પર દબાણ કરીને પોતે જેના પર ફરિયાદ કરી છે. સામા વાળા લોકોને સમાધાન માટે પોલીસ સ્ટેશનને બોલાવ્યા હતા અને ભવિષ્યમાં આ ઘટના બાબતે કોઈ ટિપ્પણી નહીં કરે તેવું લખાણ લેવાયું હતું. પરંતુ ત્યારબાદ ઋતા ખેની દ્વારા નોન કોગ્નિઝેબલ ફરિયાદ લેતા પોલીસે આઈપીસીની કલમ 500 અને 114 મુજબ ફરિયાદ લીધી છે અને તપાસ હાથ ધરી છે.

ફરિયાદ અરજીની તપાસ દરમિયાન બોલાવવામાં આવેલા પત્રકાર કૌશિક પટેલને ઋતા દુધાગરાએ મારે કોઈ કાર્યવાહી કરવાની નથી, તેવું કહેતા અહીં મામલો પતાવી દીધો છે તેવું કહેવામાં આવ્યું હતું. સાથે સાથે પોતાના પતિ કેયુર કાકડિયા પર આરોપ મુકતા જણાવ્યું હતું કે, તેનો પતિ જ્યારે સાથે રહેતા હતા ત્યારે કટકે કટકે 15 લાખ રૂપિયા લોકરમાંથી ચોરી ગયો હતો અને જ્યારે તેણે ઘર છોડ્યું ત્યારબાદ ગેરકાયદેસર રીતે લોકોમાં રાખેલા 81 લાખ રૂપિયા તેના પતિએ ચોરી લીધા હતા. જેના સીસીટીવી પોલીસ પાસે ઉપલબ્ધ છે, તેવો દાવો પણ કરવામાં આવ્યો છે.