November 24, 2024
SA vs PAK 1st T20I: ફરી એકવાર બાબર આઝમે મોટો રેકોર્ડ બનાવ્યો છે. બાબરે ટી 20 ક્રિકેટમાં 6000 રન પૂરા કર્યા છે. આઝમે તેની ટી 20 કારકિર્દીમાં દક્ષિણ આફ્રિકા સામેની પ્રથમ ટી 20 મેચ દરમિયાન 6000 રન પૂર્ણ કર્યા હતા. ટી 20 ક્રિકેટમાં સૌથી ઝડપી 6000 રન બનાવનાર બાબર વિશ્વનો બીજો બેટ્સમેન બન્યો છે. પાકિસ્તાનના આ દિગ્ગજ બેટ્સમેને 165 ટી 20 ઇનિંગ્સમાં આ વિશેષ સ્થાન પ્રાપ્ત કર્યું છે. તમને જણાવી દઈએ કે ટી 20 ક્રિકેટમાં સૌથી ઝડપી 6000 રન બનાવવાનો રેકોર્ડ ક્રિસ ગેલના નામે છે.
વિન્ડીઝ ના ક્રીસ ગેલે તેની ટી 20 કારકિર્દીમાં 162 ઇનિંગ્સમાં 6000 રન પૂર્ણ કર્યા હતા. જણાવી દઈએ કે બાબર આઝમ ટી -20 ક્રિકેટમાં 6000 રન બનાવનારો સૌથી ઝડપી એશિયન બેટ્સમેન છે. આટલું જ નહીં, ટી -20 ક્રિકેટમાં પાકિસ્તાનનો કેપ્ટન 3 હજાર, 4 હજાર અને 5 હજાર રન બનાવનારો સૌથી ઝડપી એશિયન બેટ્સમેન છે. આ સિવાય બાબર ટી 20 આંતરરાષ્ટ્રીયમાં સૌથી ઝડપી 1000 રન બનાવનારો બેટ્સમેન પણ બન્યો છે.
હાર્દિક પંડ્યાએ બનાવ્યો હાઈએસ્ટ ટી 20 રન બનાવવાનો રેકોર્ડ, 20 સિક્સ સાથે બનાવ્યા 158 રન
બાબર આઝમની તુલના વિરાટ કોહલી સાથે કરવામાં આવે છે. આ કિસ્સામાં, સૌથી ઝડપી 6000 ટી 20 રનની વાત કરીએ તો કોહલીએ તેની કારકિર્દીમાં 184 ઇનિંગ્સમાં 6000 ટી 20 રન પૂરા કર્યા હતા. એટલે કે, આ કેસમાં પણ બાબરે કોહલીને ખૂબ પાછળ છોડી દીધો છે.
Trending News
પાકિસ્તાન સામેની પ્રથમ ટી -20 માં, દક્ષિણ આફ્રિકાએ 20 ઓવરમાં 6 વિકેટે 188 રન બનાવ્યા હતા, જેમાં એડેન માર્કરામે 51 રન બનાવ્યા હતા. આ સિવાય સુકાની હેનરિક ક્લાસેને 28 બોલમાં 50 રન બનાવ્યા હતા, આ બેટ્સમેન ઉપરાંત પીટ વેન બિલઝને 24 બોલમાં 34 રન બનાવ્યા હતા, જેના કારણે દક્ષિણ આફ્રિકાની ટીમ 20 ઓવરમાં 188 રન બનાવી શકી હતી. જણાવી દઈએ કે પહેલા ટી 20 માં માત્ર 14 રન બનાવીને પાકિસ્તાનનો બાબર આઝમ આઉટ થયો હતો. પણ પાકિસ્તાને આ મેચ ચાર વિકેટે મેચના વીસમી ઓવરના પાંચમાં બોલે જીતી લીધી હતી.