ફરી એક વખત ‘મા’ બનવા જઈ રહી છે કરીના કપૂર ખાન, પતિ સૈફ અલી ખાને આપી જાણકારી

બોલિવૂડ એક્ટર સૈફ અલી ખાને તાજેતરમાં એક નવી ખુશખબર આપી છે. હા, તેની પત્ની કરીના કપૂર ખાન ગર્ભવતી છે. તે ટૂંક સમયમાં એક બાળકને જન્મ આપશે. હા, જલ્દી જ એક બીજો નાનકડો મહેમાન તેના પરિવારમાં જોડાવા જઈ રહ્યો છે. તાજેતરમાં જ સોશિયલ મીડિયા પર આવા સમાચારો ચાલી રહ્યા હતા, પરંતુ હવે સૈફ અલી ખાને જાતે જ આની સત્તાવાર જાહેરાત કરી છે. તેણે કહ્યું છે કે, ટૂંક સમયમાં અન્ય એક નાનું બાળક તેના પરિવારમાં જોડાવા જઈ રહ્યું છે.

ચોથા બાળકનો પિતા બનવા જઈ રહ્યો છે સૈફ
તમે જાણતા જ હશો કે કરીના કપૂર ખાન સૈફ અલી ખાનની બીજી પત્ની છે. હા, સૈફની પહેલી પત્ની અમૃતા સિંઘ હતી, જે બે બાળકોની માતા છે. તે જ સમયે કરીના કપૂર ખાનની વાત કરીએ તો તે તૈમૂરની માતા છે અને હવે તે બીજા બાળકની માતા બનવા જઈ રહી છે. હાલમાં એ વાતની પુષ્ટિ થઈ નથી કે, તૈમૂર અલી ખાનને કોઈ ભાઈ હશે કે બહેન…? આ જાણવા માટે, થોડીક રાહ જોવી પડશે. જો કે, સૈફ અને કરીનાના ચાહકો માટે આ એક મોટો સમાચારો છે અને દરેક જણ ખૂબ ખુશ છે.