સુરતમાં સાતમ- આઠમનો જુગાર રમતા એટલા બધા લોકો પકડાયા કે પોલીસને જામીન કરતા પરસેવો છૂટ્યો

ગઈકાલે જન્માષ્ટમીનો પવિત્ર તહેવાર હતો. જન્માષ્ટમીના દિવસે જુગાર રમવો એ ખૂબ જૂની પ્રણાલી છે.આ પ્રણાલી અંતર્ગત સૌરાષ્ટ્ર તથા કાઠિયાવાડમાં મોટા પ્રમાણમાં જુગાર રમવામાં આવે છે.

તે અંતર્ગત સુરત શહેરમાં પણ ઠેર ઠેર જુગાર રમવામાં આવ્યો હતો.સમગ્ર સુરત શહેરમાંથી સાતમ આઠમ દરમિયાન જુગાર રમતા 178 લોકો ઝડપાયા છે.

સુરત શહેરના અલગ અલગ પોલીસ મથકોમાં થી પુરુષ સહિત મોટી સંખ્યામાં મહિલાઓ પણ જુગાર રમતા ઝડપાઈ હતી. લોકો સાતમ આઠમના દિવસે ઘરે જ જુગાર રમતા હોય છે.

સમગ્ર સુરત શહેરમાંથી 178 લોકો ઝડપાયા હતા. આ તમામ લોકો જુગાર રમતા હતા.પોલીસે આ 178 લોકો વિરુદ્ધ કાયદેસરની કાર્યવાહી હાથ ધરી તમામને જામીન પર મુક્ત કર્યા છે.