‘તે ફક્ત મારો જ છે’ કહી પ્રેમિકાએ ધાબા પરથી લગાવી છલાંગ… કમર ભાંગી જતા હોસ્પીટલમાં દાખલ

ઉત્તરપ્રદેશ(UP)ના બરેલી(Bareilly)માં પ્રેમી-પ્રેમિકાએ પરિવારના સભ્યોથી નારાજ થઈને એવું પગલું ભર્યું જે તેમના પર ભારે પડી ગયું. વાસ્તવમાં બંનેના પરિવારજનો આ લગ્નની વિરુદ્ધ હતા. જેના કારણે પ્રેમીપંખીડાઓ મોડી રાત્રે બે માળના મકાનની છત પર કૂદવા માટે ચઢી ગયા હતા. પ્રેમિકાના પરિવારજનોએ દોડીને પ્રેમીને પકડી લીધો હતો. તો ત્યાં જ ગર્લફ્રેન્ડે ‘આઝમ માત્ર મારો જ છે’ કહીને છત પરથી કૂદી પડી હતી.

ગર્લફ્રેન્ડ છત પરથી કૂદી પડતા ગંભીર રીતે ઘાયલ થઈ હતી. જેમને સારવાર માટે જિલ્લા હોસ્પિટલમાં દાખલ કરવામાં આવ્યા છે. સાથે જ પ્રેમિકાના સંબંધીઓએ પ્રેમીને બારાદરી પોલીસને હવાલે કર્યો હતો. હકીકતમાં બારાદરી પોલીસ સ્ટેશન વિસ્તારમાં રહેતી એક યુવતીને પડોશમાં રહેતા યુવક સાથે છેલ્લા પાંચ વર્ષથી પ્રેમસંબંધ ચાલી રહ્યો હતો.

શરૂઆતથી જ પરિવારના સભ્યો બંને વચ્ચેના સંબંધો અંગે સહમત ન હતા. પણ દુનિયાની પરવા કર્યા વગર બંનેનો પ્રેમ વધતો જ રહ્યો. તમામ વિરોધ અને વિવાદો વચ્ચે જીદ્દી પ્રેમી-પ્રેમિકાનો સંબંધ પણ થાળે પડ્યો હતો. પરંતુ કોઈ કારણસર બંનેના પરિવારજનો દ્વારા આ સંબંધ તૂટી ગયો હતો.

બંને એકબીજાને ગળે લગાવીને કલાકો સુધી રડ્યા:
આમ છતાં બંને પ્રેમીઓએ એકબીજાને મળવાનું બંધ ન કર્યું. બંને એકબીજા સાથે લગ્ન કરવા માંગતા હતા. પરિવારના સભ્યો સહમત ન હતા, તેથી બંનેએ નક્કી કર્યું કે તેઓ એકસાથે પોતાનો જીવ આપી દેશે. બંને એકબીજાને જોઈને કલાકો સુધી રડ્યા. ત્યારબાદ આત્મહત્યા કરવા બે માળના મકાનની છત પર ચઢી ગયો હતો. કોઈક રીતે પ્રેમિકાના પરિવારજનોને આ વાતની જાણ થતાં તેઓ ઘટનાસ્થળે પહોંચી ગયા હતા.