November 24, 2024
ધીરેન્દ્ર કૃષ્ણ (Dhirendra Krishna): મધ્યપ્રદેશ (Madhya Pradesh) ના છતરપુર (Chhatarpur) જિલ્લા પોલીસે બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રી (Dhirendra Krishna Shastri) ના નાના ભાઈ સૌરભ (Saurabh) ઉર્ફે શાલિગ્રામ ગર્ગ (Shaligram Garg) વિરુદ્ધ SC-ST એક્ટ હેઠળ કેસ નોંધ્યો છે. ‘છોટે મહારાજ’ ના નામથી પ્રખ્યાત શાલિગ્રામ પર લગ્ન સમારોહમાં પ્રવેશવાનો અને એક દલિત પરિવારને બંદૂકની અણી પર ધમકાવવાનો, જાતિવાદી અપશબ્દોનો હુમલો કરવાનો અને મારપીટ કરવાનો આરોપ છે.
આ ઘટના છતરપુર જિલ્લાના ગડા ગામની છે. 11 ફેબ્રુઆરીએ ગામમાં દલિત પરિવારની દીકરીના લગ્ન સમારોહનું આયોજન કરવામાં આવ્યું હતું. તે જ સમયે, બાગેશ્વર ધામના પીઠાધીશ્વર પંડિત ધીરેન્દ્ર કૃષ્ણ શાસ્ત્રીના નાના ભાઈ શાલિગ્રામ ગર્ગ રાત્રે 12 વાગ્યાની આસપાસ લગ્ન સમારંભમાં પહોંચ્યા અને લોકોને અપશબ્દો અને મારપીટ કરવાનું શરૂ કર્યું હતું.
આ દરમિયાન શાલીગ્રામે નશાની હાલતમાં સિગારેટ પીયને મહિલા સાથે ગેરવર્તન કર્યું હતું અને દેશી કટ્ટા (બંદૂક) બતાવી જાનથી મારી નાખવાની ધમકી પણ આપી હતી. આ સાથે તેણે હવામાં ફાયરિંગ કરીને લગ્ન રોકવાનો પ્રયાસ પણ કર્યો હતો. જેના કારણે જન્યાઓ ગભરાઈને ખાણી-પીણી કરીને પોતાના ગામ અક્ટોહા પરત ફર્યા હતા.
Trending News
વીડિયોમાં સ્પષ્ટ દેખાઈ રહ્યું છે કે શાલિગ્રામ મોઢામાં સિગારેટ અને હાથમાં પિસ્તોલ લઈને લોકોને ધમકાવી રહ્યો છે અને તેમની સાથે દુર્વ્યવહાર કરી રહ્યો છે. તે જ સમયે, તે એક વ્યક્તિને પકડીને મારવાનો પ્રયાસ કરી રહ્યો છે અને કહી રહ્યો છે કે રાય (બુંદેલખંડનું લોકનૃત્ય) ચાલશે નહીં. આ ગરખા ગામમાં માત્ર બાગેશ્વર ધામનું ગીત જ વગાડવામાં આવશે.
તે સમયે ત્યાં હાજર લોકોએ બાગેશ્વર ધામનું ગીત વગાડવાની ના પાડી દીધી, ત્યારબાદ આ આરોપીએ લોકો સાથે ગેરવર્તન કરવાનું શરૂ કર્યું. વિડિયો વાયરલ થયા બાદ, બમિથા પોલીસ સ્ટેશન એક્શનમાં આવ્યા અને આરોપી વિરુદ્ધ ભારતીય દંડ સંહિતા (IPC) ની કલમ 294, 323, 506, 427 તેમજ SC-ST એક્ટ હેઠળ કેસ નોંધ્યો છે.
चेतावनी: इस वीडियो में गालियों के साथ धीरेंद्र कृष्ण शास्त्री का भाई शालिग्राम है
2/2pic.twitter.com/3LmcpRXofr— Swati Mishra (@swati_mishr) February 19, 2023
તમને જણાવી દઈએ કે SC-ST એક્ટ હેઠળ કેસ નોંધાતાની સાથે જ ધરપકડની જોગવાઈ છે. આરોપીને આગોતરા જામીન પણ મળતા નથી. હાઈકોર્ટમાંથી જ રેગ્યુલર જામીન મળી શકે છે. બીજી તરફ, SC-ST કેસમાં ઇન્સ્પેક્ટર રેન્કના પોલીસ અધિકારીઓ તપાસ કરે છે. આ કેસોની સુનાવણી સ્પેશિયલ કોર્ટમાં જ કરવાની જોગવાઈ છે. હવે જોવાનું એ રહેશે કે ગડા ગામ કેસમાં ધીરેન્દ્ર શાસ્ત્રીના ભાઈ શાલિગ્રામ ગર્ગની ક્યારે ધરપકડ થશે?
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.