કાયદાને પોતાના ખિસ્સામાં રાખીને ફરતા પોલીસ કર્મચારીને જાગૃત નાગરિકે જુઓ કેવી રીતે કરાવ્યું કાયદાનું ભાન

સુરત(Surat): શું ફક્ત સામાન્ય જનતા જ ટ્રાફિકના નિયમો(Traffic rules)નું ઉલ્લંઘન કરે છે? ના એવું નથી. ટ્રાફિક નિયમોનું પાલન કરાવનારા લોકો પણ નિયમોનું ઉલ્લંઘન કરે છે. હા, ત્યારે આવો જ એક કિસ્સો સુરતથી સામે આવ્યો છે. જેમાં જાગૃત નાગરિક એડવોકેટ મેહુલ બોઘરા(Advocate Mehul Boghra)એ કાયદાને ભગવાન માનનારી પોલીસને જ કાયદો શીખવ્યો હતો.

ગત રોજ તારીખ 22/01/2022 ના રોજ સાંજના 05:00 વાગ્યાની આસપાસ અમરોલી(Amaroli) પોલીસ સ્ટેશન ડી સ્ટાફ પોલીસ કર્મચારી કીરીટભાઈ કાળા કાચ વાળી અનેનંબર પ્લેટ વિનાની ગાડી લઈને રહ્યા હતા. તે દરમિયાન પોલીસ કર્મચારી સામે ટ્રાફિક પોલીસને ફરિયાદ નોંધાવી હતી. 

ફરિયાદના આધારે બ્લેક ફિલ્મ રાખવા બદલ, નંબર પ્લેટીના ગાડી ચલાવવા બદલ, પીયુસી, નો-પાર્કિંગ વગેરેનો દંડ ફટકારવામાં આવ્યો હતો. સાથે જ તેની ગાડીનું ચેકિંગ હાથ ધરવામાં આવ્યું હતું. મળતી માહિતી અનુસાર આ પોલીસ કર્મચારી ડી સ્ટાફનો હોવાનું સામે આવ્યું છે. હાલમાં અમરોલી પોલીસ કર્મીને દંડ ફટકારવાનો વીડિયો સોશિયલ મીડિયામાં વાયરલ થઇ રહ્યો છે.