જો રસ્તા પર જતા આ બટન મળે તો થઇ જશો માલામાલ, જાણો શાસ્ત્ર અનુસાર

તમે જાણતા હશો કે ભારતમાં પ્રાચીન સમયથી જ કેટલીય માન્યતાઓ માનવામાં આવે છે. હવે ઘણા લોકોને થતું હશે કે આવી માન્યતાઓ સાચી થોડી હોય. પરંતુ તેમ છતાં લોકો શ્રધ્ધાથી આ બધી માન્યતાઓને માનતા હોય છે.

પ્રાચીનકાળથી જ હિંદુ સમાજમાં કેટલીક એવી માન્યતાઓ છે, જે આપણને શુભ-અશુભ વસ્તુઓ અને ઘટનાઓ મામલે ઘણા સંકેત આપે છે. આ બધી જ બાબતોનું વિસ્તારથી વર્ણન શુકન શાસ્ત્રમાં કરવામાં આવ્યું છે. રસ્તામાં જતી વખતે બિલાડી આડી આવે, દૂધ ઢોળવું,અચાનક છીંક આવવી જેવી ઘણી માન્યતાઓ વિશે તો તમે સાંભળ્યું જ હશે, પરંતુ શર્ટનું બટન પણ આગામી ઘટનાઓના સંકેત આપે છે. આ વાત તમે કઈ જ નહિ સાંભળી હોય. આવા જ કેટલાક શુભ-અશુભ સંકેતો વિશે જણાવી રહ્યા છીએ અમે અહીં.

વાસ્તુશાસ્ત્ર અનુસાર કપડાં પહેરતી વખતે ખોટી જગ્યાએ કે ખોટી રીતે બટન લાગી જાય એ એક અપશુકનનો ઇશારો છે. તેનો સીધો અર્થ એ થાય છે કે, તમારાં કામ ઊંધાં પડી શકે છે. આ અપશુકનના દુષ્પ્રભાવથી બચવા માટે કપડાં કાઢી, પહેલાં બટનને યોગ્ય જગ્યાએ લગાવવું જોઇએ પછી જ પહેરવાં જોઇએ.