વેપારી ઉઠી જતા યુવક અવળા રવાડે ચડ્યો: OLX મારફતે કરી લાખોની છેતરપિંડી

મોબાઈલ ના ધંધામાં ખોટ જતા એક યુવક લોકોને OLX પર ખરીદવાના બહાને મોબાઈલ લઈ ખોટી રીતે મોબાઈલનું પેમેન્ટ ભરાઈ ગયા હોવાનું કહી છેતરપિંડી કરતો હતો. જે યુવકને ઉમરા પોલીસે ઝડપી પાડ્યો આ તેને અગાઉ પણ અનેક જગ્યા પર આવી રીતે ચિટિંગ કર્યા હોવાનું બહાર આવ્યું.

સુરતના વરાછામાં પોદ્દાર આર્કડ ખાતે મોબાઇલની દુકાન ચલાવતાતો હતો. આ યુવક ત્યારે ધંધામાં ખોટ જતાં શોર્ટકટથી રૂપિયા કમાવા OLX પરથી મોબાઇલ વેચનારનો કોન્ટેક કરી ઓનલાઇન પેમેન્ટના નામે મોબાઇલ તફડાવી ફરાર થઈ જતો હતો.આખરે 29 વર્ષીય અમિત ભરત હીરપરાને ઉમરા પોલીસના હાથે ઝડપાઇ ગયો. હાલમાં તો આ યુવક ઉમરા પોલીસની પકડમાં આવી જતા શહેરના અનેક ગુનાઓનો ભેદ ઉકેલાય તેવી શકયતા છે.

જ્યારે પોલીસે તપાસ કરતા અલગ અલગ કિસ્સાઓ જેમાં 19મી ઓકટોબરે ઠગ અમિતે ડો. અનુજ ડાયાલાલ ભૂત પાસેથી 71 હજારનો ઓનલાઇન પેમેન્ટનો સ્ક્રીનશોટ બતાવી મોબાઇલ પડાવી લીધો હતો. આ ઉપરાંત ઉધના વિષ્ણુનગર સોસાયટીમાં રહેતા ઠાકોર રમેશ ભોઈએ પણ મોબાઈલ OLX પર વેચવા મુકતા તેને ઓનલાઇન પેમેન્ટનો સ્ક્રીનશોટ બતાવી 65 હજારનો મોબાઇલ, કતારગામ વિસ્તારના યુવકનો 73 હજારનો મોબાઇલ, નવસારી ટાઉન વિસ્તારમાંથી 43 હજારનો મોબાઇલ અને પાંડેસરામાંથી 27 હજારની કિંમતનો મોબાઇલ આ ઠગ યુવકે તફડાવી લીધો હોવાનું બહાર આવ્યું.

પકડાયેલા અમિતે ઉમરા પોલીસ સમક્ષ 5 ગુનાઓ આચર્યા હોવાની કબુલાત કરી તેના મોબાઇલમાં એકસીસ બેંકની એપ્લીકેશન હતી. તેના ખાતામાં એક પણ રૂપિયો ન હોવા છતાં તે એપ્લિકેશનથી ઓનલાઇન પેમેન્ટના નામે ચાલાકીથી સ્ક્રીનશોટ બતાવી દેતો હતો. જે સ્ક્રીનશોટ પહેલા તે બનાવીને લાવતો હતો. જેના કારણે મોબાઇલ વેચનાર વ્યક્તિ તેના પર વિશ્વાસ કરી દેતો હતો. મોબાઇલ લીધા પછી તે 4થી 5 મિનિટમાં ત્યાંથી નીકળી જતો.