એક સાથે પાંચ બાળકોના મોતથી ગામમાં છવાયો માતમ, રડતી આખે ગામજનોએ કર્યા અંતિમ સંસ્કાર 

ઝારખંડ: હાલમાં ઝારખંડમાંથી એક દુઃખદ બનાવ સામે આવ્યો છે જેમાં એક સાથે પાંચ મિત્રોના મૃત્યુ થઇ ગયા છે. આ બનાવમાં એક સાથે પાંચ મિત્રોના મૃત્યુ થઇ ગયા બાદ ગામમાં શોકનું વાતાવરણ છવાઈ ગયું હતું. જાણવા મળ્યું છે કે, આ બનાવ ઝારખંડનો છે.

અહીંયા ગામના તળાવમાં પાંચ મિત્રો નાહવા માટે ગડોઘર ગામના તળાવમાં ગયા હતા અને તેમના પાણીમાં ડૂબી જવાથી મોત નીપજ્યા હતા. આ બધા જ મિત્રોની ઉંમર ૧૨ વર્ષથી ૧૩ વર્ષની જ હોવાનું સામે આવ્યું છે. આ બધા જ મિત્રો એક બીજાને બચાવવા માટે પાણીમાં પડ્યા હતા પણ બધા જ મિત્રો પાણીમાં ડૂબી ગયા હતા.

આ બાળકોના મૃતદેહને જોઈને બધા બાળકોના માતા-પિતા રડવા લાગ્યા હતા. જાણવા મળ્યું છે કે, આ પાંચ મિત્રોમાં ત્રણ છોકરીઓ અને બે છોકરાઓ હતા. આ બનાવની જાણ થયા બાદ ગામના લોકોએ તળાવમાંથી તેમને બહાર કાઢ્યા હતા. આ બનાવ બન્યા બાદ આખું ગામ તળાવના કિનારે આવી ગયું હતું અને તરત જ આ પાંચેય મિત્રોને હોસ્પિટલ લઇ જવામાં આવ્યા હતા.

જ્યાં તેમને મૃત જાહેર કરવામાં આવ્યા હતા. બનાવ બાદ આખા ગામમાં શોકનો માહોલ છવાયો હતો. આ ઉપરાંત જાણવા મળ્યું છે કે, આ દિવસે ગામના લોકોએ ઘરમાં ચૂલો પણ સળગાવ્યો ન હતો. ત્યારબાદ પોલીસ પણ ઘટનસ્થળે પહોચી હતી અને તપાસ શરુ કરી હતી. ત્યારબાદ આખા ગમે ભેગા થઇને આ પાંચેય બાળકોના અંતિમ સંસ્કાર કર્યા હતા.