વિશ્વની સૌથી ઉંચી ઈમારત બુર્જ ખલીફા પર ઝળહળી ઊઠી બાપુની તસ્વીરો- જુઓ હદયસ્પર્શી વિડીયો

દેશભરમાં મહાત્મા ગાંધી(Mahatma Gandhi)ની જન્મજયંતિ ધામધૂમથી ઉજવવામાં આવી હતી. આ પ્રસંગે દુબઈ(Dubai)ના બુર્જ ખલીફા(Burj Khalifa) ખાતે રાષ્ટ્રપિતાની તસવીરો પણ પ્રદર્શિત કરવામાં આવી હતી. વિશ્વભરમાં શાંતિ અને અહિંસાના પ્રતીક મહાત્મા ગાંધીને શ્રદ્ધાંજલિ આપવા માટે, બુર્જ ખલીફા પર તેમના ચિત્રો અને સંદેશા પ્રદર્શિત કરવામાં આવ્યા હતા. કેટલાક મીડિયા રિપોર્ટ્સ અનુસાર, શનિવારે સવારે લગભગ 11 વાગ્યે બુર્જ ખલીફામાં મહાત્મા ગાંધીની તસવીરો તેમના સંદેશાઓ સાથે બતાવવામાં આવી હતી. કહેવામાં આવી રહ્યું છે કે, જ્યારે બુર્જ ખલીફા પર બાપુની તસવીર(Bapu’s picture) જોવા મળી હતી, ત્યારે તેને જોવા માટે લોકોની ભીડ એકઠી થઈ હતી.

#WATCH | United Arab Emirates: Burj Khalifa illuminated with Mahatma Gandhi’s image on the occasion of his birth anniversary pic.twitter.com/HObXn0jsWS

— ANI (@ANI) October 2, 2021

બુર્જ ખલીફા પર બતાવેલ મહાત્મા ગાંધીની તસવીરોનો વીડિયો પણ સામે આવ્યો છે. વીડિયોમાં જોવા મળી રહ્યું છે કે, લાઇટ દ્વારા મહાત્મા ગાંધીની અલગ અલગ તસવીરો બતાવવામાં આવી રહી છે. એક તસવીરમાં તે ચરખો ફેરવતા જોવા મળી રહ્યા છે. અન્ય તસવીરમાં તે હાથમાં લાકડી પકડીને ઉભા જોવા મળી રહ્યા છે. તેનો વીડિયો દુબઈમાં ભારતીય કોન્સ્યુલેટના સોશિયલ મીડિયા પેજ પર જાહેર કરવામાં આવ્યો છે. ભારતીય દૂતાવાસે આ માટે એમાર પ્રોપર્ટીઝનો પણ આભાર માન્યો છે.

વડાપ્રધાન નરેન્દ્ર મોદી સહિત વિવિધ રાજકીય પક્ષોના અનેક નેતાઓએ શનિવારે મહાત્મા ગાંધીને તેમની 152 મી જન્મજયંતિ પર શ્રદ્ધાંજલિ આપી હતી. આ પ્રસંગે લદ્દાખમાં 1,000 કિલો વજનના હાથથી વણાયેલી ખાદીનો તિરંગો ફરકાવવામાં આવ્યો હતો. ગાંધી જયંતિ પ્રસંગે ઉપરાષ્ટ્રપતિ એમ વેંકૈયા નાયડુએ લોકોને સ્વચ્છ ભારત અભિયાનમાં ભાગ લેવા અને સ્વચ્છતાને તેમના રોજિંદા જીવનનો એક ભાગ બનાવવા વિનંતી કરી. પ્રધાનમંત્રીએ ગાંધીજીને શ્રદ્ધાંજલિ આપી અને કહ્યું કે તેમનું જીવન અને આદર્શો દેશની દરેક પેઢીને ફરજના માર્ગ પર ચાલવા માટે પ્રેરિત કરતા રહેશે. તેમણે કહ્યું, “ગાંધી જયંતી પર, હું બાપુને નમન કરું છું. તેમના આદર્શ સિદ્ધાંતો સમગ્ર વિશ્વમાં સંબંધિત છે અને લાખો લોકોને મજબૂત બનાવે છે. ”